Memorieboek der stad Ghent van 't jaar 1301 tot 1793. Deel 1

1483.

Commissarissen.

Mer Adriaen Vilain, riddere, heere van Resseghem.

Mer Jan van Nieuwenhove, riddere.

Mer Joos van Moerbeke, riddere.

's Heeren kiesers.	Der stede kiesers.
Willem Rijm.	Martin van den Buendere.
Daneel Onredene.	Justaes Schietecatte.
Meester Gaultier Alaert.	Arend de Cleerc.
Vincent van den Wijngaerde.^1	Lievin de Voghele.
Schepenen van der Kuere.	Schepenen van Ghedeele.
Symoen Borluut.^2	Jacob de Grutere.
Thomaes Heylinc.	Joos van der Eecken.
Jacob de Cooman.^3	Jan van Zeverne, f^s Daneels.
Geeraerd van Hanghereel.	Joos van Zaemslacht.

1 Philips van der Zickelen. S.B.

2 Up 't Sand. S.B.

3 F^s Jans. S.B.

[p. 335]

Jan Lippins, over hem Jan Everwijn.	Pieter Goetghebuer.
	Lievin Deynoot.
Olivier Vaenkin.	Gillis van den Eechaute.
Joos Passcharis.	Lievin Brouckaert.
Joos de Brune.	Michiel Stuerm.
Hubert van Lueribrouc.	Philips de Jaghere.
Jan van der Dijcstad.	Jan van der Heyden.^1
Joos van der Haghe.	Gillis de Kemele.
Claeys de Vriese.
Lievin de Moor.
Heuverdeken.	Deken van de Weverie.
Jan van den Abeele.	Jan Lynezone.

Item, in dit jaer croop de hertoghe Maximiliaen in de stede van Utrecht, duer een gat dat ghebroken was duer den muer van der veste van der stede.

Item, in dit jaer staerf coninc Lodewijc van Vranckerijcke ende de coninghinne.

[Item, in dit jaer stierf Lowijs, coninc van Vranckerijck, als oock de coninginne syne vrouwe; welcke coninck hadde in syne sieckte een groot ghetal van musiciens by hem, wel omtrent 300, als oock veel costelijcke heyleghe reliquien van seer veel heylighen, oock veel goede ende geestelijcke persoonen, die voor hem ghedurich baden voor het gene hem noodsakelijck was. (K.M.)]

Item, in dit jaer was hertoghe Maximiliaen voor Brugghe, maer en was niet inghelaten.

Item, in dit jaer was 't casteel van Dutsele afghebroken.

1 Duer de Steenpoorte. S.B.

[p. 336]

Item, in dit jaer, xxv Novembris, wan hertoghe Maximiliaen, up eenen vrydach, ten twee ueren na noene, de stede Dendermonde seer subtylic, ende was 's daechs na Sente Catelynendach, met twee waghene te Mechelen ghemaect, hanghende, ende quamen tot binnen der poorte daer de waghen brac ende viel up strate, ende zy maecten maniere omme te makene, ende de tweesten waghene ancommende spronghen uten waghe omme den eersten waghene te helpene maken, ende zy sloughen terstont de wakers doot, ende also quam de hertoghe in de stede ghereden met xl oft I peerden, ende also ghecreech hy de stede.

[In dit jaer wart te Calloe, in 't land van Waes, ghemaect een blockhuus, ende de oorloghe begonste tusschen den hertoghe Maximiliaen ende den lande van Vlaenderen. (Pr. Ar.^B.)

- In dit jaer gheboot Maximiliaen sekere persoonen by hem te commene te Mechelen, te wetene: van Andtworpen, van Luevene ende Bruussele, ende als zy by hem commen waren, vant in zynen raedt dat hy se dede vanghen, ende dede se voeren in 't casteel te Vilvoorde, daer zy storven. (Pr. Ar.^B.)]

Item, in dit jaer was vulmaeckt die nieuwe camere van den Scepenhuse van der Kuere met den Colatiesoldere van den ghemeenen dekenen der stede van Ghent.

Item, in dit jaer waren ghestelt de vier pylaren up de Vismaert, elc met eenen witten leeu daer up sittende, elc met eender baniere in de clauwe, som met der wapene van Vranckerijcke ende metter wapene van Borgondien, ende dêse stellen in messuse min heere van Maldeghem, de welcke ghemessusert hadde jeghens de stede van Ghent.

[Item, in dit jaer waren te Ghendt ghemaeckt ende ghe-

[p. 337]

stelt vier pylaren up de Vischmaert; elcke leeu hadde een baniere met de wapene: d'een Osterijcke, d'ander Vranckerijcke, onder de derde Vlaendere, de vierde den Leeu van Ghendt. (Pr. Ar.^A.)]