Memorieboek der stad Ghent van 't jaar 1301 tot 1793. Deel 1

[p. 280]

1470.

Commissarissen.

Mijnheere van Ste. Baefs.

Mijnheere Guy van Brymeu, heere van Humbrecourt.

Meester Guillaume de Clungny, protonotaire.

Meester Bertelmeeus Trotin, ontfanghere generael.

Meester Jooris Baert, in de stede van Meester Symon van der Sluus.

Schepenen van der Kuere.	Schepenen van Ghedeele.
by commissarissen zonder kiesers.
Roeland van Wedergrate.	Meester Philips Sersanders.
Pieter Hueribloc.	Jan van Poucke.
Willem van der Cameren.	Justaes Daneels.
Boudijn de Grutere.	Heynric Pappal.
Lievin de Meestere.	Joos de Kemele.
Jan van der Stoct.	Meester Joos de Grutere.
Gyselbrecht de Lu.	Gautier van Melle.^1
Jan van der Eeken.	Claeys Moenins.
Lievin de Bels.	Willem Wanzele.^2
Jan de Witte.	Hughe van Grammez.
Christoffels van West.	Pieter Beys, de jonghe.
Gillis van Munte.	Jan Rop.
Boudijn de Wachtere.	Laureyns Wauters.
Heuverdeken.	Deken van de Weverie.
Olivier de Grave.	Michiel van Overloop.

In dit jaer rumde ende vloot de coninc Eduwaert van Inghelant de croone ende dlant van dien, ende in Inghelant waert weder ontfaen ende ghecroont de aude coninc Heinderic, die voor den coninc Eduwaert coninc was.

1 Over hem Adriaen van Loo. S.B.

2 Willem van Zele. S.B.

[p. 281]

Item, up den Scorssewonsdach quam de coninc Eduwaert weder binnen der stede van Londen, in Inghelant, ende daer bleef doot ghesleghen, up den Heleghen Paesdach, van den coninc Eduwaert de grave van Werwijc, ende dit quam by de hulpe van den hertoghe Kaerle, daer de coninc Eduwaert te Brugghe by gheweest hadde; want de grave van Werwijc was de principaelste wutelaere, die den coninc Heinderic ongheweldich maecte de crone, ende dat Eduwaert waert verdreven ende Heinderic weder coninc; ende Heinderic staerf zoo dat Eduwaert bleef regnerende.

Item, in 't zelve jaer track hertoghe Kaerle den vj van Sporkele uut Atrecht voor de stede van Amiens met grooten heercracht van volcke te perde ende te voet, ende met angienen, ende lach daer vooren tot goeden vrydach den xij in Sporkele.

Item, up den Asschewoensdach trocken uut Ghendt hondert ende lxxv mannen van neerringhen die de stede van Ghent betaelde, ende eer zy in 't heer by den leghere gheraecten bleven buten Corby xxxvj doot ghesleghen, ende als 't heer schiet, quamen zy te Ghendt inne up den xix^en van Aprille.

[In dit jaer waren binnen der stede van Bruussele, in 't hof van den hertoghe Caerle ghelevert alle de bannieren ende previlegien deser stede van Ghendt, ende dien van Ghendt was verboden in geene wapenynghen te loopene up verbuerte van lijf ende goet. (Pr. Ar.^B.)]