Memorieboek der stad Ghent van 't jaar 1301 tot 1793. Deel 1

1460.

's Heeren kiesers.	Der stede kiesers.
Claeys van der Zickele.	Pieter Hueribloc.
Joos van der Scaghe, f^s Joos.	Olivier de Grave.
Symoen Utenhove, f^s Symoens.	Jan van Buggenhaut.
Joos de Kemele.	Jan de Zaghere.
Schepenen van der Kuere.	Schepenen van Ghedeele.
Jacob van Raveschoot.	Jan Utenhove, f^s Jacobs.
Pieter Beys.	Claeys Weytins.
Lodewijc Steemaer.	Joos van der Muelen.
Jan van der Scaghe.	Jan Wandelaert.
Heynric van der Camere.	Symoen Clocman.
Jan Moraen.	Lievin Tayaert.
Boudijn de Grutere.	Willem Bette, f^s Symoens.
Symoen van Sycleer.	Hughe Goethals.
Lievin de Meestere.	Meester Gyselbrecht de Vrient.
Gillis Utenhove.	Lievin van den Bossche.^1
Lievin de Bels.	Pieter Goesone.

1 Jan van den Borne. S.B.

[p. 255]

Hector de Stoppeleere.	Lievin van der Speye.
Gillis de Meulemeestere.	Jan van Pachterbeke.
Heuverdeken.	Deken van de Weverie.
Jan van Poucke.	Lievin Utendale.

Item, in dit jaer waren in Ghent gestroyt vele brieven die zeer vremdelic luden ende wonderlic spraken angaende onsen prince ende de regierders der stede van Ghent.

Item, corts daerna waren te Ghent gevangen Jan Bogaert, Pieter de cnape van den scilders, zyne dochtere ende zijn cnecht ende eenen her Gillis van der Vinderyen, presbitere.

Item, op Sente Lauwereis-avont was Jan Bogaert ende Pieter voorseit verwijst ende gevoert ter Muyen, ende daer onthooft, ende huerlieder hoofden op schachten gestelt.

[Den iiij^en Ougste werden 's nuchtens voor 's Gravensteen ende andere plaetsen briefven ghestroyt by Jan de Vos, gheboren van Ronsse, om daermede beroerte te makene onder 't ghemeente, ende op den selven dach worden twee van zynen gezellen in vierschare ghewijst te rechtene metten zweerde, ende worden buuten Mudepoorte op wielen gestelt. (Pr. Ar.^B.)

- Pieter de scilders cnape met hem wonende ende een priestere worden onthooft up Sente Lievens-avont ende de hoofden waeren up schachten ghestelt. (Pr. Ar.^B.)]

Item, in dit voornoemde jaer quam te Ghent 't geestelic hof van Doornijcke ende deden wet in 't Gravensteen, ende vertrocken weder naer Doornijcke 't jaer hierna, anno lxj.

Item, in dit jaer omme dese brieven waren te Ghent gevangen Jan de Vos, van Ronsse, die in de leste orloghe een letter tijts hooftman was te Ghent, ende was de principaelste die de brieven gestroyt hadde ende gedaen stroyen achter straten te Ghent, ende die den zelven Jan vingen

[p. 256]

hadden van der stede ij^c l.p., ende was ghevoert in 't casteel te Vilvoerde, ende daerna weder te Ghent brocht ende was verwijst by den commissarissen van den prinche levende te quartierene; maer naer 't vonnesse was hem gratie gedaen ende werd op een schavaut onthooft op de Verreleplaetse, ende daerna ghequartiert by crucken gehangen, een quartier buuten der Petercelleporte, Sente Lievinspoorte, de Keyserporte, buuten der Dendermonscheporte; 't hooft op de Petercellepoorte, op eenen schacht; het ingewant in eenen nieuwen sack ter Muden an de galge gehangen.

[In dit jaer starf conynck Carel van Vranckerijcke, ende zijn zone wert conynck op Onzer Vrauwendach, Half Ougste. (Pr. Ar.^B.)

- In dit jaer quamen hier vijf heeren zo vreemdelick ghehabitueert duer der stede passerende, dat hem elc verwonderde. (Pr. Ar.^B.)

- In dit jaer was Hector Wauters, gheboren van Gavere, ghehaelt van die van Ghent, daer hy lach voor Calis ende wart buuter Mudepoorte onthooft, duer dat hy eenen dief dootsmeet, die brandtstichte gedaen hadden. (Pr. Ar.^B.)

- Omme dat mer Jan van den Driessche, raetsheer, in zynen staete ghecommiteert hadde veele delicten ende mesusen, was hy ghebannen by den hertoge Philips, grave van Vlaenderen, ende alle zijn goet gheconfisqueert, metgaders zijn heerlichede van Basserode met alder erfve; ende na dat hy ghebannen was, wart de voornoemde heerlichede by hertoghe Philips vercocht mer Joosse van Halewijn, heere van Piemes ende Burgerhault, die den voornoemde gaf dry duusent ij^c ende lx ponden parysis alleene voor de heerlichede. (Pr. Ar.^B.)

[p. 257]

- Item, in dit jaer soo quamen te Ghent vremde ambassadeurs als men niet vele ghesien hadde van soo verre, commende van de frontieren van 't christenhede ende hadden geweest by den coninck van Vranckerijck, ende men tooghde hemlieden te Ghent de archieven der tresorie van de privilegien in 't Beelfroet, ende al de stede, ende men hielt een steeckspel te water, ende waren te Ghent vier dagen. (K.M.)]