Memorieboek der stad Ghent van 't jaar 1301 tot 1793. Deel 1

1459.

's Heeren kiesers.	Der stede kiesers.
Mer Cornelis de Jaghere, riddere.	Meester Gillis Pappal.
	Jan van Duermelaer.
Pieter Sersymoens.	Jan Witte.
Jan van der Scaghe, f^s Jans.	Pieter Goesone.
Pieter Beys.
Schepenen van der Kuere.	Schepenen van Ghedeele.
Jan de Stoppeleere.	Boudijn Rijm.
Jan van Sycleer.	Gillis van der Zwalmen.
Meester Philips Sersanders.	Jan van Vaernewijc, heere van Bost.
Roelant van Wedergrate.
Jacob van Waes.	Pieter Temmerman.
Jacob de Zaghere^1 f^s Arents.	Symoen Borluut, f^s Boudijns.
Geeraert de Vos.	Mathijs Pedaert.
Cornelis Modde.	Joos van der Scaghe, f^s Jans.
Pieter van der Zickelen.	Dieric van Roden.
Heynric Baert.	Anthonis Triest.

1 F^s Heynricx. S.B.

[p. 253]

Jooris de Cooman.	Jacob Geeraerts.
Jan Vlieghe.	Lauwereyns Blomme.
Jan Beys.	Vincent Meyeraert, f^s Vincent.
	Jan Everaert, caescoopere.
Heuverdeken.	Deken van de Weverie.
Lodewijc Steemaer.	Lievin Utendale.

Item, in dit jaer quam 's conincx zoone van Vranckerijcke, de dolphyn, in Vlaenderen, ende was te Ghent geboden mesdach ter eeren van der geboorte van 's dolphins van Vranckerijcke kinde; dese was Lodewijc, Karels van Gonnesse zoone, ende als hy was dolphin van Vranckerijcke vloot van den coninc zynen vadere uut Vranckerijcke, ende quam by den grave Philips van Digion, grave van Vlaenderen, met zynen wyve 's hertoghen dochtere van Savoeyen, ende lach in Brabant op een slot genaempt Geneppen, bet dan drye jaren, ten coste van zynen neve, den grave Philips; want hy was heymelic uut Vranckerijcke getrocken ende en wilde daer niet incommen al so lange als zijn vader leefde; nochtans seyde men dat zijn vader screef aen den grave Philips: ‘Coosijn, gy haut den wolf by u die uwe schapen zal willen verbyten.’ Alsoo dat hierna wel bleek, na de doot van hertoge Kaerle, Philips zoone; want hy op de edele jonge maghet vrouwe Marye zyne meteren yverig was, de dochtere van Karolus van Borgondien, de edelste ende de machtichste van der werelt. De grave Philips verhorende dat de coninc Karel overleden was, vergaderde terstont de meeste ende de edelste van zynen lande met Karel zynen zone, grave van Chaerloys, met eenen machtigen state, ende voerde also Karels zone te Riemen, daer hy by den genoten van Vranckerijcke eerlic ontfanghen was, ende op den xv^en van

[p. 254]

Ougste xiiij^clxj was hy geconsacrert ende daerna met den zelven grave Philips ende zijn geselscip gevoert te Parijs, ende daer gecroont met grooter solempniteyt.

[Item, in dit jaer wilden de sciplieden niet oversenden huerlieder deken scepene, naer d'aude costume, ten dage van der kuere, ende wilden stellen eenen deken uut haerlieder auctoriteyt, omme datter waren vier gebannen, elck 10 jaer ende de cnape 50; hadden de seven scepenen eens geweest, hy hadde onthooft geweest. (Pr. Ar.^A.)]