Memorieboek der stad Ghent van 't jaar 1301 tot 1793. Deel 1

[p. 212]

1440.

's Heeren kiesers.	Der stede kiesers.
Mer Boudijn de Vos, ruddere.	Jan van Sycleer.
Hoste de Grutere.	Jan van den Hane.
Jan van den Huusse.	Jan van Bugghenhaut.
Geeraert van Hoorebeke.^1	Christoffel de Grutere.^2
Schepenen van der Kuere.	Schepenen van Ghedeele.
Mer Jan Vilain, ruddere.	Mer Gillis van Grammen, ruddere.
Gelnoet van Leyns.	Lievin van den Hecke.
Jacob Eeckaert.	Jan de Jonghe.
Philips Sersanders.	Pieter Pype.
Jan van den Damme.	Geeraert Bekaert.
Jacob van Melle.	Geeraert de Pape.
Christoffels Triest.	Gillis Haghelin.^3
Pieter de Rijcke.	Jan van Severen.
Joos Pijl.	Jooris de Coeman.^4
Lauwereyns van der Eecken.	Jacob Bolloc.
Jan Hudgebout.	Lievin Utendale.
Pieter Goedghebuer.	Hughe Goethals.
Claeys de Smet.	Jan de Raet, f^s Hendricx.
Heuverdeken.	Deken van de Weverie.
Jan van Sycleer.	Jan van den Hane.

Item, in dit jaer was Sente Michiels turre te Ghent beghonnen maken, viij daghen na S^te Pieters- ende Pauwelsdach.

[Mer Colaert van Commene, souverain van Vlaenderen ende scepenen, leyde den 1^en steen van S^te Michielskercke. (G.)

1 Geeraert van der Eecke. S.B.

2 Christoffel de Grave. S.B.

3 Gillis Haghelinc. S.B.

4 Joris de Coopman. S.B.

[p. 213]

- In dit jaer op de octave van S^te Pieters ende S^te Pauwels, zoo was, by mer Coolaert van Comene, souverain van Vlaenderen, raedt ons gheduchts heere, ende by scepenen van beede bancken ende by bede der dekenen, ghedaen legghen het fundament van Sente Michielskercke daer nu de turre staet. (Pr. Ar.^B.)

- In dit jaer wert opgherecht de confrerie van S^t Jooris van het groot spel van den voetboghen, in welck compareerden 58 edellieden uytlanders van de stadt, ende die van Duunckercke waren de eerste, ende die van Liedekercke de leste, ende die van Berghen-op-Soom hadden den grootsten prijs. (K.M.)]

Item, in dit jaer was uut Vlaenderen gebannen Ydier de Dryvere vijftich jaer, ende was hoochbailliu van Ghent.

Item, op den xj Decembris, sondachs na de noene, quam de hertoghe Philips van Borgondien uut der stede van Damme naer Brugghe, ende de paeys was ghemaect tusschen den prince ende die van Brugghe van den gescille dat langhe geduert hadde omme daer zyne intreye te doene; ende met hem quam de hertoghe van Orlyens neffens zijnder zyde uut Ingelant commende, de grave van Stampes ende van Nyvers met anderen groten heeren in getalle.

Item, de prince quam op een breet velt tusschen Male ende Brugghe, omtrent een quartier van eender myle van Brugghe; daer vant mijnheere de prince de processie staende, ende daer was de obedientie ghedaen by die van Brugghe van der doot van den heere van Lelyadam, ende daer was met luder stemme gheroupen: Noe! Noe!

Item, in dit voornoemde jaer, naer 't seryven van Joannes Carion, was eerstwaerf de prente ghevonden ende opghe-

[p. 214]

resen te Ments, in Duutslant, in 't voornoemde jaer viertich.

[Item, in dit jaer was aldereerst ghevonden de conste van boucken te druckene, aldereerst te Mentz in Duitsland. (Pr. Ar.^A.)

- Item, in 't selve jaer stierf de keyser Albertus te Weenen, ende was den 11 van dien naem, ende was den xxxvi duytschen keyser. (K.M.)

- In dit jaer, in den vastenen, wart ghecoren hertoghe Frederick van Oostenrijcke keysere, ende was doe aut xxvi jaren, ende regnierde tot der aude van xl. (Pr. Ar.^B.)]