Memorieboek der stad Ghent van 't jaar 1301 tot 1793. Deel 1

1439.

's Heeren kiesers.	Der stede kiesers.
Jan van Vaernewijc.	Jooris Goethals.
Pieter Sersymoens.	Pieter Solleberch.
Nicasis de Bels.	Geerom Borluut.
Pieter Pype.	Eloy Baert.
Schepenen van der Kuere.	Schepenen van Ghedeele.
Mer Adriaen Vilain, rudder, heere van S^te Jans te Steene, vooght van Temsche, erfachtich scoutheete ende colateur van Assenede-ambacht.	Stevin van Liedekerke.
	Jan Goedghebuer.
	Lambrecht Bosschaert.
	Philips van der Meersch.
	Lievin Sturtewaghen.
Jan de Grave.	Jacob de Suttere.
Pieter Weytiers.	Gyselbrecht Utenhove.
Daneel van Vaernewijc.	Jan de Cupere.
Geeraert van der Beke.	Rogier Everwijn.
Lievin de Jaghere.	Jan de Bels, Nicasis zone.
Collaert van op den Bosch.	Jan Wouters.
Lievin van der Pale.	Jan Crieckersteen.
Segher Bollaert.	Arent van der Crucen.
Jacob Lammins.
Jan Cricke.
Jacob de Saghere, f^s Arends.
Race Colpaert, over hem Jan van Leyns, f^s Gelnoets.
Heuverdeken.	Deken van de Weverie.
Jacob van den Hane, d'oude.	Pieter van der Eeken, d'oude.

[p. 210]

Item, in dit jaer was te Ghent eene groote sterfte.

Item, in dit jaer was te Ghent 't groote scietspel van den voetbooghe; de incomste was sondach v^e Wedemaent; daer quamen lviij steden omme looten. Daer wan den opperprijs die van Berghene Sente Winnocx vj selveren cannen, den naerprijs die van Vuerne, ende den derden prijs die van Brugghe.

[Item, in dit jaer was te Ghent een rijckelijck schietspel van den voetboghen van den auden guldene, ende 't begon den v^e Wedemaent; ende daer quamen lviij steden loten ten selven spele. Die van Berghen (op den Soom. Pr. Ar.^B.) wonnen den opperprijs; die van Vuerne den naprijs, ende die van Brugghe den derden prijs. Ende daer waren noch dry prysen te winnene metten dry cursten maten; den opperprijs van dien hadden die van Curterijcke, den ij die van Haet in Henegauwe, ende den derden die van Liere in Brabant. Item, van meest witten te schieten, hadden die van Berghen in Henegauw eene schoone selveren canne; ende van incommen van buyten ende van binnen 's landts schoonste incomen, hadden die van Audenaerde oock twee schoone cannen. Item, andere twee prysen van voirst te lande ende te water hadden die van Ludeke, ende die van Amiens al even veele, mits dat men niet ghesien en conste (midts dat men niet ghejugieren en conste wie verst was. Pr. Ar.^B.); den anderen prijs hadden die van Leuven in Brabant. Item, van schoonste stael te haudene die van Brussele, ende den naprijs die van Doornijcke, ende die van Antwerpen ghelijck begift. (K.M.)]

Item, in dit voornoemde jaer, xxvj Wedemaent, quam de cardenael van Inghelant te Calis met xxix scepen, met hem de

[p. 211]

aertsbisscop van Jorc (Yorck), de bisscop van Norewijc, ende de hertoghe van Nortvort ende van Oppenvoort, de hertoge van Orliens die in Inghelant xxiiij jaren vanghenesse ghehauden hadde.

Dese cardenael quam omme metten Franchoysen te tracteren van paeise tusschen Vranckerijcke, Inghelant ende Vlaenderen, als waer by dat de coopman mochte vry varen, gaen ende keeren.

[In dit jaer hielp hertoghe Philips van Bourgoygnen lossen uter vanghenesse den hertoghe van Orliens, die xxiiij jaren min een maendt ghevanghen gelegen hadde in Inghelant, ende den xvij van November in 't zelve jaer traude de hertoghe van Orliens binnen der stede van S^te Omaers, de dochter van den hertoghe van Cleven, daer hertoghe Philips oom van was. (Pr. Ar.^B.)]

- Den ix Novembris was de camere van den rade te Curtrijcke...... Waren vernieuwt de officiers van der zelver camere, te wetene: Meester Ghoossin Savagie, doctor in de rechten, was president gestelt, ende hadde 's daechs iii sc. iiii d.; Mer Claeys Utenhove, rudder, en Hector van Vuerhaute, eschuwier, elck ii sc. viii gr. 's daechs, en alle d'andere heeren tot 9 toe hadden elck alle daghen ii sc. gr. Item, Joos van den Brande was notaris ende ontfangher van den explote, ende meester Jan Wielant greffier. (Pr. Ar.^A.)

- Ordonnantie dat men gheene pachters ofte tollenaers elders toespreken en mach ter causen van den tolle of pachte, die zy van 's princhen weghe hauden, dan in den grooten raet, in 't hof te Rijssele, ofte by den ontfangher generael. (Pr. Ar.^B.)]