Memorieboek der stad Ghent van 't jaar 1301 tot 1793. Deel 1

1430.

's Heeren kiesers.	Der stede kiesers.
Mer Gheeraert van Axpoele.	Daneel van Severen.
Goossaert van Vaernewijck.	Gyselbrecht de Grutere, f^s Jans.
Stevin van Liekercke.	Jan Leyns.
Jan Laucourt.	Jan Goetghebuer.
Schepenen van der Kuere.	Schepenen van Ghedeele.
Claeys van Hoedevelde.	Pieter van der Muelen.
Nicasis de Bels.	Segher Meyeraert.
Jan de Grave, an St. Claeys kerchof.	Arent de Brune.
	Simoen Utenhove, over hem Jan de Grutere.
Joos Vijd.

[p. 189]

Willem van Meerendre.	Gyselbrecht Everwijn, f^s Simoens.
Willem Soyssone.^1
Sanders van Vaernewijc, f^s Jans.	Andries Haenbec.
Jacob van den Hane, f^s Jacobs.	Jacob Vrient.
Joos Haesbijt.	Simoen Spieghel.^2
Jacob Damere.	Race Colpaert.
Oste van den Wale.	Jan Doedins.
Philips de Jaghere.	Christoffel de Grave.
Willem Lippens, in den quaedam.	Jacob de Moutenare, f^s Jacobs.
	Jacob van Olsene.
Heuverdeken.	Deken van de Weverie.
Daneel van Severen.	Jan de Juede.

Item, in dit jaer ontfinc hertoghe Philips op den laesten dach van october 't hertochdom van Brabant.

Item, in 't zelve jaer waren te Ghent ghebannen hondert lxxviij personen.

Item, in dit zelve jaer quam de hertoghe van Belfroot, up den derden sondach van den avente, met groter macht van Inghelschen, metter coninghinne van Inghelant ende met haren zoone den jonghen Heinderic, coninc van Inghelant, wesende van der aude van vij jaren, in de stede van Parijs.

Item, daer deden zy cronen den jonghen coninc van Inghelant Heinderic als coninc van Vranckerijcke, den eenen te Riemen gheconsacriert, ende eenen te Parijs ghecront ende niet gheconsacriert.

[Item, in dit jaer bracht de Maeght van Vranckrijck den Dolphijn te Riemen, daer hy als coninck gheconsacreert wert, ende daer na wart La Pucelle de France voor Compiengen ghevanghen, ende wert ghevoert te Roanne in

1 Willem Seyssone. S.B.

2 Symoen Spreghel. S.B.

[p. 190]

Normandien, daer de Inghelschen haer aen eenen staeck deden verbranden. (K.M.)

- Item, in dit jaer wilden die van Ludic afhebben den turre te Bovines, om dat men van op den turre de lieden van Ludicke sage gaen op haerlieder marckt. (K.M.)

- Item, in 't selve jaer conquesteerde de hertoch Philips het graefschap van Namen. (K.M.)

- ..... met alle syne toebehoorten jeghens den grave Diederich, voor eene somme van penninghen die de stadt van Ghent betaelde; corts daerna starf grave Diederich sonder kinderen, ende doen wort hertoghe Philips ontfanghen als erfachtich grave van Namen, omme welcke saeken die van Ludicke oorloghe sochten, ende wilden den grooten torre van Bovines gheweert hebben, die in 't landt van Namen staet, omme dat men van dien torre sach gaen de lieden van Ludicke op haerlieder maerckt. (Bibl.)

- Den xxv meye, quam te Ghent de cardinael van Ynghelburch omme den pays te makene tusschen de Ynghelschen ende den hertoghe van Bourgognen. (Pr. Ar.^B.).

- De ordonnantie ghemaect by den hertoghe Philips van Bourgongnen, daer by hemlieden ghezeyt was dat die van Ghendt, als wezende die outste stede van Vlaenderen, zullen hebben 't voorenspreken ende 't voorengaen alle 't selve landt van Vlaenderen duere, uutghesteken binnen der stede van Brugghe, die binnen huerlieder stede zullen hebben 't voorengaen ende sitten. (Pr. Ar.^B.)

- Den iiij ougste, zoo overleet dezer werelt de hertoghe van Sainct Pol, ende wart te Vuerne begraven ende alle zyne heerlicheden quamen op den hertoghe Philips, zijn rechtzweer, ende den xxx^en van december, tusschen de xij

[p. 191]

ofte een, was gheboren te Brussele Anthonis, de zone van den hertoghe Philips, die wart kersten ghedaen in de kercke te Cauwerburch by den bisschop van Doornicke ende den bisschop van Camerijcke; de heere van Liekeercke ende de grave van Ysele, die hier kommen was in 't landt, den welcken langhen tijt met schoonen state lach te Brugghe; deze twee waren peeters van den jonghen hertoghe, ende zyne meteren waren de hertoghinne van Cleven, hertoghe Philips zustere, ende mevrouw de douarierigghe van Namen, ende daer waren in de processe xij ghecommitteerde abten ende prelaten, ende den lesten october ontfynck hertoghe Philips van Bourgongnien, grave van Vlaenderen, zijn landt van Brabant. (Pr. Ar^B.)]

Item, dit jaer was een deken van der weverye, Jan de Luede, zyne macht benomen van scepenen twee jaren van officien te stellene als secretarissen, ontfanghers, sergeanten, boden ende andere.