Memorieboek der stad Ghent van 't jaar 1301 tot 1793. Deel 1

1429.

's Heeren kiesers.	Der stede kiesers.
Mer Heindrick van der Camere.	Jan Boele.
Daneel van Maldeghem.	Willem Meerendre.
Jan de Stoppeleere.	Joos Haesbijt.
Hoste van Maercke.	Gillis Mayaert.
Schepenen van der Kuere.	Schepenen van Ghedeele.
Lodewijc van den Hole.	Willem Utenhove.
Jan de Wispeleere.	Ghelnoet van Leyns.
Pieter Weytier.	Thomaes Utenberghe.
Simoen Bette, in d'Hameede.	Simoen Clocman.
Jacob Wandelaert.	Stevin van der Eeken.
Lodewijc Dhamere.	Jacob Pauwels.
Danneel Rijm.	Willem du Buisson.
Pieter Spieghel.	Godevaert de Wilde.
Lievin de Jaghere.	Gillis van den Vivere.

[p. 187]

Jacob van Melle.	Lievin Sturtewagen.
Claeys Rommel.	Jan de Wintere.
Jan van den Spieghele.	Pieter de Rijcke.
Jan van den Damme.	Jan Coubrake.
Heuverdeken.	Deken van de Weverie.
Daneel van Severen.	Nicasis de Bels.

Item, in dit jaer was Willem Bouchaut hantscoenmaekere ende Coolart de Backere binnen der stede van Geersberghe onthooft, ende huerlieder hoofden ter poorten uutghesteken, ende waren handescoemakers van Ghent dewelcke vervolcht waren by Daneel Rijm, scepenen van der kuere.

[In dit jaer vercochten die van Gheeraersberghe lijfrenten, ende 't was jeghen den danck van het ghemeente, ende wilden den seghel ghebroken hebben, daeromme die van Gheeraersberghe quamen duer advijs van die van Ghendt, ende hemlieden was gheraden dat men ondersouck doen zoude wie de principale waren die het hoogste daer inne ghegheven hadden, ende dat men die punieren saude; ende 't wert zo ghedaen, want mer Gheleyn van Halewijn, hoochbailliu, dede onthoofden deze naerghenoempten persoonen: Willem Bouchaut, Adriaen de Schoemakere ende Relant de Burbuer, ende huerlieder hoofden waren boven op de poorte ghestelt. (Pr. Ar.^B.)]

Item, in dit jaer was te Ghendt de hertoghe Philips t' synen blyden huwelicke gheconsenteert hondert ende vijftich nobelen van viij g. stic.

Item, in dit voornoemde jaer was groote beroerte in Casselambacht ende in Cassele; het ghemeente rees hem oppe jeghens de heeren. De bailliu van Cassele wilde meerder boeten hebben dan huerlieder previlegien inne

[p. 188]

hilden; ende omme dat m^er Colbrant van der Choen, hoochbailliu van Cassele, hemlieden te stranghe was, ende meer nam dan hy sculdich was te nemene, daer omme destruwerden zy zijn casteel ter Beeverschuere ende wierpen 't omme.

[Item, in 't selve jaer Philips van Brabant, grave van St. Pol, wart hertoghe van Brabant naer sijns broeders doodt. (K.M.)

- In dit jaer trac men te Cassele om hemlieden te bringhene ter obeissance van den prinche, ende zy quamen den grave te ghemoet blootshoofts, ende waren in gracien ontfanghen, behoudens dat se gaven zes duusent nobelen ende alle huerlieden previlegien, ende zy moesten huerlieder harnasse ende wapenen draghen t' Ste Omaers, ende men gaf hemlieden nieuwe wetten. (Pr. Ar.^B.)

- In dit jaer conquesteerde hertoghe Philips van Bourgognen het graefschap van Namen metten zweerde die jeghens hem opstonden. (Pr. Ar.^B.)]