Memorieboek der stad Ghent van 't jaar 1301 tot 1793. Deel 1

[p. 116]

1384.

Schepenen van der Kuere.	Schepenen van Ghedeele.
Jan de Jonghe, over hem Race van den Voorde, riddere.	Willem van den Pitte.^1
	Joos de Meester.
Robrecht van Eeke.	Pieter van Waes.
Jan van den Watere.	Jacob van den Pitte.
Jan Haec.	Franchoeis Morael.
Pieter Hamelric.	Jan van der Straten.
Lievin van der Bile.	Mathijs Tsuul.
Jan van Vaernewijc.	Pieter Diedericx.
Jan Veelheven.	Willem de Meersman.
Lievin Zoetaert.	Maes de Cleerc.
Jan Hallinc.	Jan van Bassevelde.
Heynric de Meester.	Jan Coolman.
Lauwereis de Backere.	Jan Coelins.
Jan Annaert.

Item, in dit jaer waert Audenaerde weder van den heeren ghewonnen met eenen waghene met hoeye, daer volc van wapenen in lach, ende in de poerte commende deden een wiel van den waghene ende lieten de waghene vallen in de poorte, ende midts dien quam haerlieder volck anne.

Item, in dit jaer wonnen die van Ghent weder die stad van Audenaerde.

[Item, in 't selve jaer won eenen Franchois Ackerman Audenaerde, den xxiiij Novembris. (K.M.)]

Item, den viij^en van Hoeymaent in dit jaer was te Ghent eene wapeninghe up de maert, ende men stelde den standaert van den coninc van Ynghelant daer up de maert, dwelcke Mer Bernaert van Hersele wilde beletten ende was zeere teghen,

1 Willem van den Putte. S.B.

[p. 117]

ende daer omme was hy doot ghesleghen ende was begraven in Sente Jacopskercke, in den choor voor den hooghen autaer.

[De heere van Heersele doot gheslaghen binnen Ghendt en Jan van Sickelen bleef doot binnen Rijssele, ende voer hooftman ghecoren te Ghent Boudewijn de Rijcke. Item, de heere van Schoorisse metten heere van Heye creghen met practijcke ende ghewelt die van Ghent uyt Audenaerde. (G.)

Item, in dit jaer trocken de volders uyt Ghendt om haren loen gheleent te hebben.