Memorieboek der stad Ghent van 't jaar 1301 tot 1793. Deel 1

1383.

Schepenen van der Kuere.	Schepenen van Ghedeele.
Jacob van Ravenschoot.	Heynric van Adeghem.
Jacob Diedericx.	Lievin de Maech.
Jan van den Houte.	Arend Everwijn.
Heylaert Parijs.	Jan van Munte.
Jan van Libertsa.	Jan van der Hulst.
Willem de Dene.	Jan Terpenync.^1
Wouter de Vriend.	Gillis Hoornic.
Gillis van Crombrugghe.	Willem de Pypere, over hem Arent van Melle.^2
Lievin van Mossevelde.
Jan de Beere.	Jacob van Maelte.
Jan van Dronghene.	Wulfram de Conync.^3
Claeys Haec.	Jacob de Luede.
Jan Hamelric.	Boudijn Speyman.
	Pieter Pijlhiser.^4

1 Jan Teerpenninc. S.B.

2 Willem de Pypere, over hem Aernout van Messe. S.B.

3 Wulfram de Cooman, over hem Jan Wieric. S.B.

4 Pieter Pijlysere. S.B.

[p. 115]

Item, in dit jaer wan Franchoeis Ackerman Audenaerde up Sente Lamberechts-dach.

[Item, in dit jaer overleden vijf schepenen van Ghedeele, daer af de namen hier boven staen. (K.M.)

- Anno 1383 Franchois Ackerman, capiteyn van die van Ghent, vraeghde secours aen den coninck van Inghelandt, de welcke sant den bisschop van Noerwijch met menichte van volck; als de Westerlinghen ghewaer werden de comste van den coninclicken volcke trocken sy hem met menichte teghen, ende daer was seer ghevochten, ende de Ingelsche wonnen Burburg, Duynckercke ende Nieuwpoorte. (Bibl.)]

Item, in dit zelve jaer staerf de hertoghe Wasselin van Brabant.

[Item, in dit jaer den vj in Lauwe (xij van Lauwe S.G.), starf graef Lodewijck van Male ende wiert begraven t' Sente Pieters te Rijssel in Onser Vrauwecapelle. (K.M.)]

Item, de hertoghe van Berry was sculdich te doene manscip den grave Lodewijc van Male van den graefscepe van Artoeys, wanof dat men 't graefscip van Buenen haut in leene, ende hier toe versoucht wesende dede andworden dat hy was een hertoghe ende 's conincx zone, ende een 's conincx broedere, ende oem van den coninc Kaerle van Vranckeryke; daerop zeyde de grave van Vlaenderen dat men hem noch settinghe, noch demeynen gheven en zaude, noch laten heffen voor ander stont dat hy manscip ghedaen zaude hebben, alsoo 't behoorde; ende hier omme deden de hertoghe van Berry van zynen lieden drommen tusschen eenen weech ende twee betsteden, zoo dat hy binnen vier daghen overleet, ende was begraven in 't clooster Sent Thomas t' Sente Bertins, up den x^en van Lauwe, ende regierde xxxvj jaren.