Memorieboek der stad Ghent van 't jaar 1301 tot 1793. Deel 1

1344.

Schepenen van der Kuere.	Schepenen van Ghedeele.
Jan van der Vloet.	Segher Utendale.
Pieter van der Hasselt.	Michiel van West.

[p. 56]

Jacob Coelins.	Pieter van den Hovene.
Lievin van Waes.	Lievin Everbout.
Huge van Lembeke.	Pieter van de Velde.
Jan van Houtem, de voldere.	Jan van Leyns.
Segher van Bechghem.^1	Willem Scelpe.
Jan van den Scatte.	Jan van Bost, sher Pieters.
Jan Diederies, de voldere.	Heynric Coelwey.
Gillis van Contelsvoerde.	Jan Serpieters.
Roegier de Smet, cordewanier.	Jan Fentman.
Heynric Goethals, op 't hooghuus.	Jacob Storem.
	Lievin Spreeuwe.
Lievin van Dronghene.

In dit jaer was de heere van Adinghem onthooft te Leynoet.

[Jacob van Artevelde slouch nieuwe munte die zeer goet was. (S.G.)]

Item, in dit jaer den v in hoeymaent quam ter Sluus de coninc Eduwaert van Inghelant, daer hy ontboot Jacob van Ertvelde dat hem de grave Lodewijc zaude manscap doen van den graefscepe van Vlaenderen of hy zaude Vlaenderen t' synder taeffelen legghen, ende daer in stellen zynen outsten zoone de prince van Waels, dwelck Jacob van Ertvelde consenteerde; ende weder t'huus commende gaf 't selve te kennene dat hy geconsenteert hadde, daer de wevers gram omme waren en sloeghen naer hem, zoo dat de voornoemde Jacob van Ertvelde doot ghesleghen was van eenen schoenlapper, ende de wevers sloughen noch x mannen doot van zyne raetsleden. Dit ghebuerde in den Paddenhouck ende

1 Zegher van Bethem. S.B.

[p. 57]

datte omme dies wille dat hy den coninc van Inghelant wilde ontfanghen als overheere up den xxiiij hoeymaent.

[In 't jaer 1344 gheduerende dit magistraet, den 8, andere den 17 van July, wiert den voornoemden Jacobus d'Aertevelde ende 12 andere van synen raedt ende factie ghedoodt ende ghemassacreert door het ghemeyn volck van Ghent in sijn eyghen huys, staende op den Calanderberg in den Paddenhoek, meynende van achter uyt te gaen; de oorsaeke was, seyden sy, om dat den voornoemden Artevelde wilde wijsmaecken aen 't ghemeyne volck van te veranderen van prince ende het onterven synen natuerelijcken heer, den grave van Vlaenderen, om te kiesen in syne plaetse den prins de Walles, sone van Eduaert, coninck van Enghelant, den welcken soude het graefschap verandert hebben in een hertochdom, hetgene het ghemeyne volck soo seer mishaegde van de stadt ende soo vergramt waeren om dese nieuwicheyt teghen Aertevelde ende de syne, als dat sy subitelijck een vleeschbanck van maeckten, ende selfs hunne huysen afbrekende tot een eeuwighe memorie, sijnde het hooft daer van ende opleyder van dit exploit ende moorderyen eenen Geeraert Denijs, deken van de lynewevers, ende grooten vyant van Aertevelde. Sulck een eynde hebben ordinairelyk die de welcke door het volck sijn verheven tot hooghe staeten, al was 't dat hy in synen tijt wel ende gheluckelyk gheregeert hadde het lant van Vlaenderen, hetgene dan floreerde in alle soorten van coopmanschappen ende comercie, als oock in rijckdom ende voorspoet, ende om syne doodt wiert alsdan gheordonneert nu voortaen, dat de magistraet soude ghecosen worden door acht persoonen, ghestelt door die van de stadt; in conformiteyt van dese ordonnancie wiert ghecosen ende vernieuwt het

[p. 58]

volghende magistraet door vier persoonen, die ghecommitteert wierden door den prince tot vernieuwinghe van de weth, die waeren Nicolaes Utenhove, Nicolaes de Berleghem, Pieter Stockman ende Pieter Hughe sone; van weghen de stadt waer onder oock vier ghecommitteert, die waeren Jacques van Goetvelde, Geeraert Denijs, Jan de Brake en Ghelnoyt van Leyns. (K.M.)

De cronycke van Eenaeme seght dat Jacob van Artevelde doot ghesleghen was in het jaer neghen en vijftich en dat by den commune van Ghent in zynen pertstal. (S.G.)]

Item, de coninc van Inghelant verhorende dat Jacop van Ertvelde doot ghesleghen was trock weder naer Inghelant.

Item, in dit voornoemde jaer te Meye, die van Ypere verhoorende ende vernomen hebbende dat die van Poperinghe lakenen maeckten ghelijc die van Ypere, daer omme die van Ypere namen tot haren capitein Jan van Uutkerke ende die trac met heircrachte tot Poperinghe, ende die van Poperinghe omme die van Ypere te wederstane maecten haren capitein Jacob de Bets, ende trocken die van Ypere te ghemoete, daer zeere ghevochten was, ende Jacob de Bets was daer doot ghesleghen, ende vele van Poperinghe doot ghesleghen ende vele ghevanghen.