Memorieboek der stad Ghent van 't jaar 1301 tot 1793. Deel 1

1342.

Schepenen van der Kuere.	Schepenen van Ghedeele.
Dher Willem de Meersman.	Simoen ser Thomaes.
Claeys Utenhove.	Pieter Duulhuus.

[p. 52]

Willem van Huse.	Jan de Crane.
Jan Donter.	Jan Borluut, over hem Hughe Melaus.
Fransoys Zoetaerd.
Claeys de Clerc.	Lievin van Plasschendale.
Simoen van Merlebeke.	Simoen van Aelst.
Lievin van den Hoghenhuus.	Claeys Daens.
Lievin van Vuerne, over hem Jacob Abelyn.	Arnoud Goethals.
	Boudyn Ghynghebeere.
Pieter Stocman.	Pieter van den Hovene.
Willem de Costere.	Heynric van Allendriesche.^2
Jan van 't Salons.	Pauwels Wissele.
Casin van der Haghe.^1	Jan Walraven.

Item, in dit jaer was te Mechelen grooten brant (den xviij in Meye. (K.M.)

Item, in dit jaer waren te Ghent ghemaect nieuwe hooftmannen te wetene: Jacop van Ertvelde, Willem van Vaernewijc, Gelloet van Leins, Pieter van Caudenhove ende Joos Hapere.

Item, in 't selve jaer sont de paus twee cardenalen omme van paeyse te sprekene tusschen de twee coninghen, daer de coninc Edewaert zeyde te zyne van sins wijss weghe coninc van Vranckerycke ende dat hem verstorven was ende wildet met den swerde conquesteren, ende hy hadde t' synder hulpe de keyser van Aelmaengen, de hertoge van Brabant, d'hertoghe van Geldere ende van Ghulicke, Jacop van Ertvelde met de Vlamingen, de grave van Henegauwe, welcke heeren met de Inghelschen destruwerden Artoys, Vermandoeys, Picardyen, dlant van Potay, van Bollenoeis tot Nor-

2 Van Assendriessche. S.B.

1 Casin van den Berghe. S.B.

[p. 53]

mandyen toe. Dit ghedaen sijnde Eduwaert trac in Inghelant ende elc heere t' synen lande waert omme den wintere.

Item, coninc Philips de Langhe van Vranckerijcke vergaderde groot vole ende berede eene groote vloote van scepen uut Noormandyen ende maecte amirael Jan, zynen autsten soone, grave van Noormandyen, ende arriveerde met zyne scepen ten Hasegaete by den Sluus. Dit vernemende de coninc van Inghelant hy quam van achtere up de Noormans, ende met de hulpe van de Vlaminghen daer bleven versleghen de Franchoeysen ende Noormans, en met grooter avontueren ontquam de amirael, de hertoghe van Normandyen.

[In dit jaer den ij in lauwe daer naer was een groote aertbevinghe. (K.M.)

Item, in dit jaer gheschiede den camp tusschen den smet van Cameroen ende eenen Juede, omme de versmadenisse die de Juede ghedaen hadde de beelde van Maria in 't lant van Henegauwe te Cameroen, tusschen Ath ende Berghen, staet niet verre van Bruggelettes. (K.M.)]