Memorieboek der stad Ghent van 't jaar 1301 tot 1793. Deel 1

1325.

Schepenen van der Kuere.	Schepenen van Ghedeele.
Ghelnoet Damman.	Jan de Pape.
Jan van Artevelde.	Pieter van der Couteren.
Simoen Parys.	Willem Utenberghe.
Simoen Rynvisch.^1	Heynric van Contelsvoerde.^3
Joos Deynoet.^2	Lennoet uten Ramen.
Lennoet Leyscoef, over hem Jan Masch.	Jan van Gavere.
	Lievin van der Carden.
Jan Lieve, de voldre.	Jan van Hertbuere.
Antonis Bette.	Arnoud uten Utfanghe.
Heynric van Adeghem.	Gheeraert Leewaert.^4
Heynric van der Hoyen.	Jan van der Vennen.

1 Jacob Rivisch. S.B.

3 Heynric van Contesvoerde. S.B.

2 Joos Deynoot. S.B.

4 Gheeraert Leeuwaert. S.B.

[p. 34]

Jan van Audenaerde.	Heynric van den Dormen.
Jan van Buten.	Coolijn Bertoen.^1
Jan Rabbau, de scerre.

[Item, in dit jaer lach den grave Loodewyc te Brugghe ghevanghen in de Halle xxiiij weken lanck. (K.M.)]

Item, in dit zelve jaer was doot ghesleghen Mer Willem Wenemare, ruddere te Reckelinsbrugghe, de welcke die 'tgodshuus stichte up Sente Verhilden-plaetse ende heet Wenemaers-Spittael.

Item, binnen desen jare waert grave Lodewyc te Brugghe ontsleghen ende hem al vergheven, ende van daer quam hy naer Ghendt hemlieden bedanckende dat sy de veete jeghens die van Brugghe aenneghenomen hadden ende hem uuter vanghenesse verlost.

[In't zelve jaer was doot ghesleghen her Willem Wenemaer, ende de lieden van Ghendt voerden oorloghe jeghens die van Brugghe, ende verlosten den grave, waeraf dat hy se zeer bedanckte. (S.G.).

- In't zelve jaer die van Brugghe metten vrylaten verbranden 'tcasteel van Peteghem by Audenaerde. (S.G.)

- In't jaer xxv was de Halle beginnen macken onder het Beelfroot tot Ghendt. (S.G.)

- Item, in't selve jaer waren naer 't beleet van den grave van Namen binnen Ghendt doodtgheslaghen wel dry duysent wullewevers ende daer waerener veel ghebannen. (K.M.)

- In dit jaer trocken die van Ghendt t'Eccloo jeghens die van Brugghe ende die van den Vrye, ende daer bleven versleghen twee capiteynen van Brugghe, te weten Willem

1 Coelin Berroen. S.B.

[p. 35]

Rietgheersen, ende Pauwels Buekele; dit siende die van Brugghe, dat dese twee capiteynen doodt waren, ende die van Ghendt de overhandt hadden, soo begheerden die van Brugghe paeys, ende die van Brugghe die lieten den grave Lodewyck, ter begeerte van die van Ghendt uytte ghevanghenisse. (K.M.)]

Item, van Ghent trac hy te Parys waert totten coninc van Vranckerick zyns wyfs oom, die zeer blyde was dat hy ontsleghen was van vanghenesse.