Memorieboek der stad Ghent van 't jaar 1301 tot 1793. Deel 1

1324.

Schepenen van der Kuere.	Schepenen van Ghedeele.
Maes van Vaernewijc.	Claeys van den Pitte.
Willem Bette.	Willem Utenhove, f^s Ghiselbrechts.
Hughe van der Most.
Everdey de Grutere.	Boudyn de Grutere.
Michiel van West.	Goessin Borluut.
Jan Ververhilden.	Wasselin van Lens.
Lievin Bevelant.	Simoen Vercelien.
	Jacop Lennoe.^1

1 Lemicie. S.B.

[p. 32]

Claeys de Keyser.	Jan Diede.
Jan van der Stichelen.	Jacob van Coudenhove.
Arnoud Dobbelere.	Jacob de Backere.
Boudyn Goethals.	Jan van Ponteraven.
Everaert Mond.	Jan van Wackene.
........^1	Jan van Wiendeke.

Item, in dit jaer die van Brugghe vernemende 't onghelic dat men die van den Vryen dede, dat mense vinc, onthoofde, doot slouch ende by nachte van haren bedde haelde; die van Brugghe sonden zes notabele personen te Curterycke by den grave Lodewijc te besten sprekende omme 't profijt van den lande; de grave Lodewijc dêse terstont vanghen. Terstont die van Brugghe dit vernemende sonden van stonden an vj^m mannen van wapenen naer Curterycke; de edelen van den grave rieden dat men 't voorborch verbernen zaude, ende dat ghedaen zijnde de wynt keerde, zoo dat de stede zeer waert bernende. De grave meende met de vj mannen ende met zynen edelen te vliene naer Rysele; maer die van Curteryke ende de vrauwen van Curteryke sloten de poort toe ende daer waert ziere ghevochten, soo dat sy den meesten deel van 's prinsen edelen versloughen; zy vynghen den grave met zes raetsheeren ende de vj mannen van Brugghe, ende leydense in 't casteel te Curteryke tot tsanderdaechs, ende in dit ghevecht bleef doot Mer Jan van Vlaenderen, grave Lodewijcx oom, Mer Jan van Nevele, Mer Robrecht van Samslacht, Mer Jan Verrieren, de castelein van Rupelmonde, Mer Bauwin van Segherscapelle, ende noch meer dan twee hondert edelen.

Item, tsandaechs zo ontsloughen die van Curteryke de

1 Ghyselbrecht Rebbe. S.B.

[p. 33]

zes notabele mannen van Brugghe ende setten den grave Lodewyc up een cleen peerdekin ende met hem zyn zes raetsheeren ende leverdense te Brugghe up de Halle, daer men 't ruut vercoopt, ende hilt daer zyn vanghenesse ende moeste zien zyne zes raetslieden voor de vanghenesse in sticken cappen up de strate.

[In dit jaer was gheboren de hertoginne van Brabant, hertoghe Jans dochtere, die namaels te manne had de grave Willem den iiii van dien name, den welcken van de Vriesen was verslaghen ende namaels trauwdese den hertoch Wenselin van Lutsenburch; van dese twee princen en creghen sy geen kinderen. Sy waert namaels begraeven in't cloystere van Onser Vrouwen-broeders in den choir te Brussele. Item, in't selve jaer in Ougste was ter Sluys ende te Curterycke eenen grooten brant. (K.M.)].