Eerste bouck van beschryfvinghe van alle gheschiedenesse (1562-1572)

XXVII
Alva's commissarissen vragen de Ieperse kasselrijoverheid alle inlichtingen over te maken in verband met de troebelen a^o 1566⁽³⁰⁾.
17 januari 1568

Edele ende weerde heeren, wy hebben ontfaen briefven van myn heere den hertoghe van Alba, gouverneur ende capiteyn-general van den landen van herrewaertsovere, in date IXen van deser maent, ons daerby schrivende hoe dat hy t' hemwaerts ghereserveert heeft de kennesse ende judicature van alle de ghuene hemlieden ghemoyt hebbende metten troublen, factiën ende desordren, ghebuert in den voornoomden landen binnen twee jaeren indifferentelick, ende ten dien hende de handt ghesloten ende gheïnterdiceert den magistraten van den steden ende andere wetten subalterne, daerof niet te kennene, maer te surceerene ende in state te houdene alle zaecken ende proceduren jeghens dezulcke, ons lastende te ontbiedene van denzelven magistraten ende wetten ende in onse handen te doen legghene alzulcke processen, informatiën ende andere sticken angaende den jeghenwordighen ghevanghenen ter cause van de voorscreven troublen, die zy onder hemlieden hebben moghen omme die ghezien ende dezelve processen gheïnstrueert totter sententiën diffinitive excluz by ons ghesonden te zyne met onsen advise an Zyne Excellentie ende daerof aldaer gheordonneert ende ghediffinieert te wesene naer rechte ende equiteyt.

Als waerby wy tegenwordelick an ulieden schryven ten fine, dat ghy respectivelick ulieder daernaer reghelt ende ons zent alzulcke informatiën, examen, responsiven ende andere sticken of bewysen van den processen

(30) RIJKSARCHIEF BRUGGE, zelfde fonds, nr. 35.

[p. 128]

van de voornoomde ghevanghenen, zo verre die ghereet zyn om wysene; ende daer dezelve noch rau of niet ghereet en waeren, zult dezelve t' onser instructie in faveure van justicie prepareren, zo by t' hooren van de informatiën, examinatiën ende confrontatiën (eyst noodt) van denzelven ghevanghenen als anderssins sommerlick nochtans ende zonder figuere van processe ordinaire, noch ooc te procederene tot eeneghe torture; ende tzelve ghedaen, zult ons ulieder ghebesoignierde ghetrauwelick overzenden al ten eersten ende met zulcke neerstichede als ulieden moghelick werdt.

Ten anderen, zult ons ooc terstont overzenden de namen ende toenamen van den ghuenen by ulieden ofte ulieder voorzaeten livelick ghedaen executeeren of bannen ter causen van de voornoomden troublen, metgaeders huerlieder sententiën ghelibelleert. Ende in den ghevalle eeneghe van de zelve ghebannenen wederghekeert waeren onder ulieder limiten, zult dezelve van stonden an doen apprehenderen, ons overzendende huerlieder belastinghe, metgaeders den tytle van den ban jeghens hemlieden ghepronunchiert, omme daernaer ghedaen te zynne dat behooren zal, zonder in al dies voorseyt es te zyne in ghebreke.

Ende hiermede, Edele ende Waerde heeren, zyt God bevolen.

Te Ghendt, desen XVIIen in Lauwe XVc LXVIItich.

De al uwe goet jonstighe vrienden, Charles de l'Espinoy ende Joos Huusman, raden ende commissarissen der Coninclycke Majesteyt.

In dorso: Edele ende Weerde Heeren, bailliu ende scepenen van de zaele ende Casselrye van Ypre.

Recepta, den XXIIIIen in Lauwe XVc LXVII.