Eerste bouck van beschryfvinghe van alle gheschiedenesse (1562-1572)

XVII
De hervormde gemeente van Mesen deelt de graaf Egmont mede dat ze de predicaties staakte. Zij vraagt als tegenprestatie, dat haar leden gerechtelijk niet zouden vervolgd worden⁽¹⁸⁾.
1 februari 1567

A hault, puissant seigneur et prince, monseigneur le prince de Gavre, conte d'Egmont, gouverneur et capitaine-général des contés de Flandres et d'Arthois.

Remonstrent en toute révérence, les très obéissantz serviteurs de Vostre Excellence ceulx de l'egglise réformé de la ville de Messines, comme pour appaiser les troubles jà nieuz susdictes et apparentes d'estre excités à cause de ladicte relligion, tant en ladicte ville de Messines que à la chastellenie d'Ypre, dont elle est annexe et aultre païs à l'environ, qui sembloient menasser le mesme païs d'ungne totale destruction, ruine et subversion de l'estat politicque, il auroit pleu à Vostre Excellence, au mois de septembre dernier passé, d'accorder et octroyer l'exercice des pressches soubz conditions d'ensuivre les articles et poincts comprins en l'accord par Vostre Excellence à eulx octroié et consenti et surtout de ne faire aulcunes aultres assamblées et signament de ne prendre les armes en privé, ne en publicq, lesquelles conditions n'auroient estés en toutz endroictz effectuées, ains se seroient en aulcuns poincts, singulièrement touchant l'exercice de ladicte relligion, obliés excédant les termes et limitations comprinses audict accordt en partie par ignorance et mal advis et aussy en partie par inductions doleuses, dont grandement leur en desplaist, à ceste cause requirent bien humblement à Vostredicte Excellence, que si en aulcuns cas les suppliantz pouldroient avoir contravenu au susdict accordt que sans avoir regard à la translation des mauvais, plaise à ycelle Vostre Excellence favoriser à la raison les bons lesquelz n'ont intention de vouloir advoer aulcunes insolences, ains en ont esté encoires pour le présent bien desplaisantz, ne désirantz riens plus que le

(18) RIJKSARCHIEF BRUGGE, zelfde fonds, nr. 21.

[p. 113]

repos et tranquillité publicque fort maintenue et entretenue, les meschantz pugniz et bons conservés.

Et d'aultant que aulcuns ont eu opinion, que les insolences qui pouldroient avoir esté commises en ce quartier ont esté en partie causées par lesdicts presches, lesdicts suppliantz pour monstrer plus ouvertement leur singulière dévotion qu'ilz ont tousjours eu à se conformer aulx ordonnances et commandementz de Sa Majesté et au repos et bien publicque, sont contents de désister desdicts presches et tout aullre exercice de leur relligion, attendant que aultre ordre general soit donné par Sa Majesté, requérantz bien humblement qu'il plaise cependant à Vostre Excellence de tenir la main que lesdictz suppliantz ne soient recherchés en aulcuns endroictz touchant le faict de leur conscience, ayantz en confirniation de tout ce que dessus les subsignés, se faisantz fortz et au nom de la communaulté de ladicte relligion de la susdicte ville de Messines, ceste présente requeste subsigné de leur signe manuel et accoustumé.

Ce premier de febvrier XV^c LXVI.

Onder waeren gheteeckent: Philips van Boezynghe, Jan de Lantsheere ende Jooris Godschalck, Boudewyn Cazier.

Ghepresenteert de voorscreven requeste den len Februari LXVI.