VI
De Ieperse stadsoverheid vraagt graaf Egmont welke hare houding moet zijn t.o.v. de doopsgezinden die bijeenkomsten beleggen zonder rekening te houden met de bekendgemaakte voorschriftenGa naar voetnoot(7).
16 november 1566
Hault et puissant seigneur, de bien bon coeur nous nous recommandons à la bonne grâce de Vostre Excellence.
Hault et puissant seigneur, estantz advertiz comme depuis le partement de Vostre Excellence de ceste ville et chastellenie et l'ordonnance par ycelle faicte et donnée sur les presches de la nouvelle relligion, se font journellement aultres assemblées et d'aultre sorte des gens et des sectes, qu'on appelle annababtistes, aiant désia faict leurs presches en deulx ou trois lieulx secretz et de nuict et se advachant et vantant de les faire doresenavant en publicq et en bien grand nombre de peuple, n'avons volu faillir d'en advertir Vostre Excellence singulièrement, d'autant que ne trouvons telle sorte de gens et de telle proffession comme ces gens estre comprises dans ladicte ordonnanche faicte sur le faict de la relligion et admission de l'exercice d'icelle et que, par ce, ne sçavons de quelle sorte ou par quelz moien devons faire procéder à l'endroit des susdictes congrégations et assemblées, supplians qu'il plaise à Vostre dicte Excellence nous informer du vouloir et bon plaisir d'icelle, affin de en ce que dessus nous povoir expressément conduire et entièrement rigler.
En quoy, ne fauldrons en l'acquict de nostre serment et conservation de la républicque nous emploier et faire nostre extrême debvoir.
Hault et puissant seigneur, nous prions le Créateur vous octroier sa saincte grâce.
D'Ypre, ce XVIe de novembre XVc LXVI.
Les entièrement prestz au service de Vostre Excellence, bailliu et eschevins de la ville et chastelenie d'Ypre.
Auteursrechtelijk beschermd