Spiegel van de doorluchtige vrouwen

[fol. 7v]

3.
Hippo de vvelcke van des vyands schip ghevanghen zijnde, in de zee spranck om haer eere te behouden.

EEn maechdelicke vrees en stouticheyt der Mannen
Die hadden wt het hert Van Hippo veer ghebannen,

Een doot ghemengt met schand' een leven met oneer,

Veel ergher als de doot, dus vreesende niet meer,

Als dat men vreesen moet, doen s'Vyants Schip quam vaeren,
End haer nam in het Meer, wierp sy haer in de baeren,

Int midden van de Zee. Wt vrees van dese noot

En heeft zy niet ghevreest te loopen in de doot.

[fol. 8r]