Nederduytsche poemata 1616

Op het Musijck-boeck van Meeester Cornelis Schuyt van Leyden, aen M. Knotter.

DE moeder van de sachte vreucht,

De suster van de soete gaven,

Daer Bacchus met ons hert verheucht,

Daer ons de Goden mede laven,

Musijck die maecht die suyver maecht,

Gekleet nu eerst naer onse landen,

[p. 26]

 

Die Knotter u soo seer behaecht,

 

Komt haer begeven in dijn' handen.

 

 

 

Omhelst haer, stootse niet van dy

 

Daer sich de Goden met verlusten:

 

En wat ghy doet hoe swaer hetsy

 

Laet wat om haren wille rusten.

 

 

 

VVant Iupiter self soo men seyt,

 

Als Phoebi stem is opgeheven,

 

Heeft zijnen donder neer geleyt,

 

Om hem tot vreuchden te begeven.