Rymkronyk van Jan van Heelu betreffende den slag van Woeringen van het jaer 1288

CCXIV. Février 1283.

Johannes Dei gratia dux Lotharingiae et Brabantiae, universis praesentes litteras inspecturis salutem in Domino. Noverit universitas vestra, quod Nos viros religiosos, abbatem et conventum sancti Michaelis in Antverpia, ordinis praemonstratensis, sub nostra protectione et tuitione suscipientes, omnes libertates, immunitates et gratias, eisdem a nobis et praedecessoribus nostris concessas, seu ab aliis quibuscumque, quantum in nobis est, super theloniis, exactionibus, passagiis, redditibus, censis, terris cultis et incultis, piscariis, allodiis, garbis, nemoribus, molendinis, pascuis, pratis, moris, jurisdictionibus, decimis, elemosinis et mansuris, nec non minoribus justiciis, hactenus per judices, scabinos et mansionarios in allodiis ecclesiae sancti Michaelis habitis, et consuetis, seu aliis bonis quibuscumque dictae ecclesiae, acquisitis in locis infra scriptis consistentibus, scilicet in Antwerpia, Bernescot, Potvliete, Harincrode², et in confinio loci ejusdem, Oustrouele, Wilmarsdonc, Ordren, Berendrecht, Lilloe, Zantvliete, Mere, Minderhout, Merxblaes³, Wortele, Wommelgheem, Bergheem, Wilrike, Hoboken, Dorne⁴, cum theloneo de ponte ibidem, Conteke⁵, cum sextario siliginis annui redditus de decima de Broke ibidem, Hockensele, Steenhockensele, Parke, decimam de sexaginta bonariis terrae in loco qui dicitur Boest sitae, cum septem bonariis terrae in Serlar, Humelgheem, Cortbeke, cum appenditiis suis, Werchtere, Rotselaer, et in aliis locis quibuscumque, et specialiter super redditu annui census decem

2 Beerschot, Potvliet et Haringrode sous Anvers.

3 Merxplas.

4 Deurne.

5 Contich.

[p. 573]

marcarum in Malle, et trium librarum et decem solidorum Lovaniensium de domo pannorum in Antwerpia, dictis religiosis provenientium, cum passagio navali ibidem, prout eadem rite tenent et possident, et eadem titulo donationis seu emptionis rite et juste acquisiverunt, tenore praesentium confirmamus, auctoritatem nostram et consensum dictorum bonorum acquisitionibus adhibentes; volentes etiam et mandantes, ut dicti religiosi supra praemissis omnibus et singulis, contra invasores et injuriatores eorumdem, per Nos et nostros justiciarios defendentes, et in possessione dictorum bonorum, conserventur pacifice et quiete. In cujus rei testimonium et munimen praesentem cartam dictis religiosis sigillo nostro contulimus roboratam. Datum anno Domini M^o CC^o LXXXIJ, mense februario.

[Folio ciiij, recto.]