duc de Brabant, adjoustast et desist ke nobles hom et nos chiers sires, Guys, cuens de Flandres et marchis de Namur, Nous acquitast enviers le dit duc, de quatre mil mars de Brabancons, por le paine dont Nous encheimes, en l'ocoison dou mariage, ki deiust estre fais de no fil et de le fille mon seingneur Godefroid de Brabant, li dis nobles hom et nous chiers sires, li cuens de Flandres, Nous a plainement et souffisamment acquitet enviers le dit duc, de tous les deniers devant dis, selont le dit le roy de France devant dit, et si Nous a ausi, li devant dis nous sires li cuens de Flandres, payet et rendut plainement tous les cous, despens, et frais, ke Nous avons eut en l'ocoison de le paine devant dite, en queleconque maniere ke ce a estet, si ke jamais riens, Nous, ne nus de par Nous, n'en porrons demander au dit noble homme le conte de Flandres, ne à autrui; ains l'en quitons à tous jours, et Nous en tenons bien à payet, par le tesmoing de ces presentes lettres, saielées de no saiel, ki furent faites et données à Namur, l'an de grace mil deus cens quatre vins et neuf, le diemenche devant le sainte Lusse.
L'original, sceau enlevé, aux archives de la Flandre-Orientale.
Auteursrechtvrij