CXV. 28 novembre 1288.
Lettres de Guillaume, évêque de Cambrai, par lesquelles il reconnaît que le comte de Flandre lui a remis le château, la ville et les appendances de Rode (chirographe).
Nous Willaumes par le grace de Dieu eveskes de Cambrai, faisons savoir à tous, ke nos avons rechut bien et souffisanment le castiel, le vile et les appendances de Rodes, einsi ke nobles princes nos chiers sires et oncles Guis cuens de Flandres et marchis de Namur les tenoit, et ke ses gens les mantenoient de le main mon segneur le conte devantdit et de son conmant, et Nos en tenons à sols et à paiiet, et en quitons no chier oncle devantdit et tout ceaus, qui Nous en poriens rien demandeir, pour le delivrance dou castiel, dele vile et des apiertenances devant dite. En tesmoignage dela queil chose Nos avons pendu no saiiel à ces presentes lettres, ki furent faites et données en l'an de grace mil deus cens quatre vins et wit, le diemenee apres le jour sainte Katerine.
L'original, muni du sceau, aux archives de Gueldre.
Auteursrechtvrij