Rymkronyk van Jan van Heelu betreffende den slag van Woeringen van het jaer 1288

[p. 465]

CVI. 9 septembre 1288.

Lettres de Jean, duc de Brabant, par lesquelles il prononce en arbitre sur les différends qui s'étaient élevés entre l'évêque de Liége et Gérard de Luxembourg, seigneur de Durbui.

Nous Jehans, par le grace Diu, dus de Lother et de Braibant, faisons à savoir à tous, ke comme debas ait estei entre reverent pere, nostre chier segneur mon segneur Jehans, par le grace Diu evesque de Lyege d'une part, et noble homme mon seigneur Gerart de Luxcelbourgh, segneur de Durbuy d'autre part, et il se soient mis en nostre dit et en nostre ordenance d'endroit ces debas, Nous disons et prononcons nostre dit en teil maniere, c'est; à savoir: ke pais doit estre et est entre les parties devant dites, et les leur, bonne et estavle, de mors, de pris, de toutes avennues, de eaus¹ et de leur aidans; et ki encontre le pais iroit, il seroit à punir comme brisieres et monleres de pais², se ne les seuroent me sires li veskes, li sires de Durbuy ne...li sires de le Roche recepteir en leurs terres. Et ke tout li prison ki furent pris pour l'occoison dele vile de Paille, et dele bataille ki fu à Rahyermont, soent delivré d'une part et d'autre, et s'aucun estoient pris pour ocoison de ces prisons, par leur amis ou autres, en keilconque maniere ke fust, k'il soient delivrei ausi. Apres..li sires de Durbuy devant dis doit werpir tous drois, k'il a ou puet avoir, en le vile de Paille, coument ke il li ait, soit en fief, en alluet, en hyretage ou en autre keilconque maniere; ke il li ait avec nostre chier seigneur l'eveske devant nomei, et ses successeurs, et faire tant envers lui ke cors³, drois et loys ensegnera, et que asseis li sera, et parmi che werp et cele quittance ke...li sires de Durbuy fera envers nostre chier segneur l'eveske devant dit, li doit nos sires l'evesques wit cens livres tornoys, à payer quatre cens livres tornois à le paske ki vient prouchainement, et les autres quatre cens livres tornois al issue d'oust, apres ensivant, et de cel werpissement doit doneir à no chier segneur l'evesque li sires de Durbuy ses ouvertes lettres, kant il sera segurs de le somme des deniers devant dite; et pour ce ke ces choses sient plus fermes, et miels tenues, avons Nous fait pendre no saiel à ces presentes lettres, en tesmognage de veritei. Che fu fait et donei à Lyege en l'an dele incarnation Nostre Seigneur mil deus cens et witante, le juedi apres le nativitei Nostre Dame.

L'original, revêtu du sceau. de Jean l^er, duc de Brabant, en cire jaune, aux archives de la province de Liége.

1 Eaus, eux.

2 Comme briseurs et molestiers de la paix.

3 Cors, les keures.