Rymkronyk van Jan van Heelu betreffende den slag van Woeringen van het jaer 1288

XCVIII. 8 juillet 1288.

Lettres de Jean, duc de Brabant, par lesquelles, et sous la ratification de son fils aàné, il cèdè à l'évêque de Liége la haute justice de Huardes (Hougarden), Bavenchien (Bavechine) et Tornines (Thourinne), moyennant l'abandon de Herrewarden, Kessele, Marre et Deurne, que lui avait fait ledit évêque.

Nous Jehans, par la grace Diu dus de Lother et de Brabant, faisons à savoir à tous ceaux ki ces presentes lettres veront et oront, ke comme aucun debat et descort eussent estei entre nos devantries, dus de Braibant, et reverens peres en Diu aucuns eveskes de Liege, ki ont estei par le tans, et nous meismes et nostre reverent pere en Diu mon segnur Jehan, par la grace Diu eveske de Liege, nostre chiere frere, sur ce ke nostre devantrier et nous diesiemes ke lis haute justice de Huardes, de Bavenchien, de Tournines et des appartenances estoient nostres, et ke Nous et nostre devantrier estiemes en possession, et en maniemens de faire es lius devant dits, tout che kil afiere et appartient à haute justice, quant il aferoit à faire, jà fust che chose ke nos sires li eveskes, ki ore est, et aucun de ses devantriens le Nous chalengassent et debatissent, Nous, pour bien de pais, et par conseill de prodomes, avons donei et donons, avons quittei et quittons, pour Nous et pour nos hoirs, à nostre segneur l'eveske de Liege devant dit, pour lui et pour ses successeurs, eveskes de Liege, toute le haute justice ke Nous aviens en Huardes, en Bavenchien, en Tornines, et es appartenances, et tout le droit et toute la segnourie ke Nous y aviemes, ou avoir poiemes, ou avons eus es dites villes, et es appartenances, sans rien à Nous retenir, fort l'ost comon et les homes saint Pierre de Louvain, ensi come Nous et nostre devantries les avons maintenus. Et renonchons expressement et especiaument, pour Nous et pour nos hoirs, à eus¹ nostre segneur l'eveske devant dit, pour lui et pour ses successeurs, à tous usages, maniemens, costumes, possessions, à toutes justices hautes et basses, et à tous autres drois ke Nous poriemes, devriemes et

1 Eus, au gré.

[p. 461]

voriemes clameir, ou avoir, par droit ou en autre maniere, en haut et en bas, ens es villes devant dites, fors l'ost comon; et avons enconvent et prometons en bone foi, ke Nous ferons et procurons ke nostre chiers et ainsneis fius Jehans de Brabant greera, loera et aprovera toutes ces choses devant dites entirement, et les donra et quittera, tant k'en li est, à nostre segneur l'eveske devant dit, pour lui et pour ses hoirs, à tous jours mais, dedens la feste saint Remi proucainement venant, et k'il ausi expressement reoncera à tous usages, maniemens, costumes, possessions. justices, hautes et basses, et à toutes autres droitures k'il poroit, devroit et voroit clameir, ou avoir, en queil maniere ke ce fust, ens es villes devant dites, et en leur appartenances, et ke Nous, sur toutes ces choses, li ferons faire surement suffisant, devens le jour de le saint Remi devant dit. Parmi che nostre chiers sires l'eveskes devant dis Nous done, et a donei, pour lui et pour ses successeurs à tous jours mais, pour Nous et pour nos hoirs, tout le droit, le segnourie, et tous ce k'il a ou avoir doit et peut, ens es villes de Herrewarden, de Kessele, de Marre et Deurne, et en toutes les appartenances, sans rien retenir à lui et à ses successeurs, et a renonchié expressement et especiament, pour lui et pour ses successeurs, à nostre oes¹ et à oes nos hoirs, à tous usages, maniemens, costumes, possessions et toutes justices, hautes et basses, et à tous autres drois, ke il ou si successeur, eveske de Liege, poroient, devroient ou voroient clameir, et avoir, en quel maniere ke ce fust, en haut et en bas, en viles devant dites, en leur apartenances, et a renoncié aussi à tout droit esprit, costume, privilège empetreit ou à empetreir à benefice de restitution, et à toutes autres choses ki aidier li poroient, ou ses successeurs, et à Nous et à nos hoirs greveir, quant à ces choses devant dites; et promet, et a promis en bone foi, ke il fera et procura ke li chapiteles de sen eglise de Liege, gréera, loera et aprovera toutes ces choses devant dites entirement. Et Nous, pour Nous et pour nos hoirs, renonçons especiaument à tout droit d'avoerie de le eglise de Huardes, et des biens de le dite eglise, s'aucun en i avons, se Nous i poons reconcier et devons dedens la nativitei Nostre Dame prouchaine, faire monstreir chartres, lettres, privileges, s'aucun en soit de le dite avoerie parlant, pour que Nous ni puissons renoncier; et se dedens le jour devant dit ces lettres, chartres et privilege ne fuissent monstrei, Nous prometons et avons enconvent, ke de dont en avant Nous miserons² de le dite avoerie, ains volons ke nostre dite renonciations soit sans nule condition ferme et estavle. Et prometons et avons enconvent, loament et en bone foi, pour Nous et pour nos hoirs, ke les choses deseurdites et cascune d'eles tenrons fermement, et emplirons entirement, et ke Nous, ne pour Nous ne pour autrui. ne venrons, ne ferons venir en appert³, ou en autre maniere, en tout ou en partie encontre les choses deseur dite, ou encontre aucune de les. En tesmoignage et en segurtei des quels choses, Nous avons à ces présentes lettres pendu nostre sael. Che fut fait et donei en l'an dele incarnation Nostre Segneur mil deux cens quatre vins et wit, le jeudi apres les octaves saint Piere et saint Poul apostres.

Et nous Jehans, ainsneis fuis à mon segneur le duc devant dit, du commandement et de la volontei nostre chier segneur et pere, et par nostre propre volontei, toutes les choses, si k'eles sont deseur inscrites, loons, gréons et approvons, et donnons, en tant ke Nous est, à nostre chier segneur et oncle l'éveske de Liege, pour lui et pour ses successeurs, pour Nous et pour nos hoirs toutes les choses deseur dites, entirement, sans rien retenir à Nous sor tout le point et le

1 Oes, gré, volontà

2 Nous nous démettrons, Miser pourrait bien être aussi s'en rapporter à un arbitre, à un miseur.

3 Ostensiblement.

[p. 462]

maniere deseur escrite, et jurons sur saintes ewangiles, de nostre propre volontei, ke Nous toutes les choses deseur nommées tenrons et emplirons bien, et entirement, et ke Nous ne venrons ne ferons encontre par Nous, ne par autrui. Donnei si com devant. En tesmoignage et en segurtei des queles choses Nous avons pendu no sael, avec le sael nostre chier segneur et pere, à ces presentes lettres. Donei si come devant.

L'original, sceaux enlevés, aux archives de la province de Liége.