tenter, bona fide, contra quoscumque nostrum auxilium duxerit invocandum, in nostris sumptibus et expensis, quamdiu vixerimus, fraude et dolo penitus exclusis, serenissimo domino nostro Romanorum rege et imperio, necnon magnifico viro, domino Florentio, comite Hollandiae, consanguineo nostro charissimo, dumtaxat exceptis. Eo etiam excepto, quod terras fratris nostri, Theoderici Luef, domini nostri archiepiscopi Colouiensis, et ecclesiae praedictae, necnon terras Theoderici domini de Heinsberch, avunculi nostri, Henrici, comitis Lutcelburgensis, fratris sui, domini Walrami, et domini de Valkenborch, consanguineorum nostrorum, cum ipso domino nostro duce, contra praedictos dominos, manu armata, hostiliter non intrabimus, dictorum terras devastando incendiis seu rapinis.
Condictum est insuper, inter ipsum dominum ducem, comitem Hollandiae, et Nos, quod quandocumque convenire Nos contigerit, in expeditionem aut conflictum, quicquid ibidem acquisierimus, in castris, terris, munitionibus, oppidis, hominibus captis, et rebus aliis quibuscumque, inter Nos tres aequaliter dividemus; ita quod quilibet Nostrum trium, tertiam partem habeat de acquisitis; exceptis de Bomerlewerde et Tylrewerde insulis, ac hereditate cujuslibet nostrum trium, ubicumque sita fuerit et inventa. Excepto etiam ducatu Lymburgense, et bonis omnibus, quae dux Lymburgensis tenebat, eodem die, quando vivus extitit et defunctus. Eo etiam excepto, quod quum dictus ducatus Lymburgensis, et bona praedicta, ad ipsum ducem fuerint libere devoluta, promittimus quod de bonis, quae empta fuerunt cum denariis dominae Juttae, bonae memoriae ducissae Lymburgensis, materterae nostrae, Nos assumemus unum probum virum, et dominus dux praedictus aliam, qui cum jure diffinient inter Nos, quid de ipsis bonis juris sit, et quanta eadem bona sint, et qualia; et diffinitioni eorum stabimus, et ipsam observabimus, prout cum jure dixerint ad quem debeant pertinere. Promittimus insuper quod si contingat Nos, sine ipsis domino duce Brabantiae, et comite Hollandiae, et sine corum auxilio, terras, munitiones, oppida, castra, homines, et res alias quascumque, et qualescumque acquirere quoquomodo super nostros inimicos communes, tam ipsorum dominorum, quam nostrorum, Nos, hujusmodi conquisita, prout nominatim sunt expressa, cum dominis duce et comite praedictis, aequaliter dividemus, ita quod quilibet nostrum partem tertiam relevabit.
Item condictum est, quod si contingat, Nos una cum domino duce Brabantiae, et domino comite Hollandiae, nominatis, simul ad bella procedere, et ibidem ab oppidis, villis, terris, ac hominibus, aliquid per exactiones extorquere, hujusmodi extorta et acquisita inter Nos dividemus, secundum quod quilibet nostrum plures vel pauciores habiturus est ibidem homines, et expensas fecerit ampliores.
Praeterea promittimus, quod postquam ad requisitionem domini ducis, comitem Gelriae diffidaverimus, vel ipse comes Gelriae Nos diffidaverit, occasione ducis praedicti, Nos extune, cum ipso comite Gelriae, treugas dabimus, nec compositionem pacis faciemus, sine scitu ipsius domini ducis et voluntate.
In cujus rei testimonium praesentibus nostrum sigillum duximus apponendum. Actum et datum anno Domini millesimo CC LXXX sexto, feria quinta post dominicam, qua cantatur Reminiscere.
Cartulaire des ducs de Brabant, aux archives du Royaume, à Bruxelles, B, fol. 46, recto.
Auteursrechtvrij