Rymkronyk van Jan van Heelu betreffende den slag van Woeringen van het jaer 1288

[p. 438]

LXVII. 24 avril 1286.

Lettres de Walran de Luxembourg, sire de Ligny, par lesquelles il nomme Henri, seigneur de Blamont, et Henri, seigneur de Burkelor, pour ses arbitres dans ses différends avec le comte de Gueldre, au sujet de ce qui pouvait lui être dû pour la garde du Limbourg.

Nous Wallerans de Lucembourg, sires de Liney, faisons savoir à tous, que comme il eust descort entre noble home nostre chier signor Renault, conte de Guelre et duc de Lembourg d'une part, et Nous d'autre, Nous en sommes ensi acordé ensemble, que Nous avons pris deus homes, c'est à savoir Henri, signor de Blantmont, nostre chier coisin, et Henri, signor de Burkelor, en tel meniere, que de tout ce que Nous poions demander mon signor de Guelre desus dit, fust de plegerie¹ fust de frais que Nous eussions fais en la terre de Lembourg, fust d'autres chozes quels quelles fussent, Nous en devons croire les deus homes dessus dit, en teil meniere, que si il ne Nous pooient apaisier et il ne se pooient acorder ensemble, il en est sor noble home nostre chier signor Guyon, conte de Flandres, et sor noble dame nostre chiere dame et nostre chiere serour² Ysabel, contesse de Flandres et de Namur, en tel meniere, se mes sires li cuens et madame la contesse dessus dit pooient estre andui ensemble, Nous les en devons et prometons ê croire de ce qu'il en vourront dire en bonne foi de haut et de bas, nos raisons et les raisons mon signor de Guelre dessus dit oies et atendues, soit de lettres soit d'autres choses, selon ce qu'il semblera les dis diseurs que raisons soit. Et se mes sires li cuens et ma dame la contesse dessus dit ne pooient estre andui ensemble, Nous en devons et promettons à croire celui d'aux deus qui estre pourroit. Et dois estre fais ces rapors dedans ces deus mois ensuians, sauf ce que ce mes sires et ma dame de Flandres dessus dit, ou celui d'aux deus qui estre pourrait, voloient ralomgier le iour dou raport, il le peuent faire selone ce qu'il lor plairoit et bon lor sembleroit. Et qu il soit ensi, que mes sires de Guelre desseur dis Nous doie finer³ et faire grei, Nous ou nostre certain commandement, de douze cens mars de Braybensons, douze souls pour chacun mare, bons et coursables à Faukemont, dedans ces deux mois ensuyans, et sitost qu'il aueroit fait grei à Nous ou à nostre certain commendement, Nous li devons randre ces chastiaux, cest à savor Lembourg et Rode, quites et delivres, sauf ce qu'il Nous doit et est tenus à paier et delivrer les frays rainables, tels qu'ils affierent à garder les deux chastiaux dessus dis, que Nous meterons à garder les deux chastiaux dessus dis dedans ces deus mois ensuians. Et se ensi estoit que mes sires de Guelre dessus dis poist monstrer lestres, par coi Nous fuissiens tenus à garder les deus chastiaux dessus dis à nos coustanges par ces deus mois, mes sires et ma dame de Flandres dessus dit en poirroient dire lor volontei, selonc ce qui bon lor sembleroit.

1 Plegerie, caution.

2 Serour, soeur, soror.

3 Finer, payer.

[p. 439]

Et ce ensi estoit, que mes sires de Guelre dessus dis ne Nous paioit ensi comme dessus est diviser de deus mois en avant, Nous caurieus et garderiens les deux chastiaux desseur dis é ses frais. Ces chozes dessus dites promettons Nous fennement à tenir par nostre foi corporellement donnée; et encor en plus grant seurtei de cette choze en avons Nous mis et obligié en la main mon signor le conte et ma dame la contesse desseur dit toute la terre que nous tenons en Flandres. Et pour ce que se soit ferme choze et estable, Nous avons fait mestre nostre sael en ces presentes lettres, qui furent faites et données l'an de grace mil deus cens quatre vins et six, lendemain de feste Saint George.

L'original, muni du sceau en cire verte; aux archives de la province de Gueldre. Nyhoff, Gedenkwaardigheden uit de geschiedenis van Gelderland, I, Oorkonden, pag. 1.