Rymkronyk van Jan van Heelu betreffende den slag van Woeringen van het jaer 1288

LIII. 17 juillet 1284.

Lettres de Renaud, comte de Gueldre, par lesquelles il nomme les comtes de Flandre et de Hainaut ses arbitres, au sujet de la succession du Limbourg.

Nous Renaus, cuens de Gelre et dus de Lembourch, faisons savoir à tous, que comme debas fust entre Nous d'une part, et noble homme Jehan, par le grace de Diu duc de Lothringue et de Brebant, d'autre part, d'endroit de ce que Nous disiemes et disons, que li duchausmes de Lambourch apartient à Nous, à tenir tout le cours de nostre vie: et li dus devantdis disoit que à Nous n'en atenoit de riens, ne droit ni aviemes, et seur ce fust guerre commencié, et grans contens entre Nous et lui.

[p. 430]

Nous faisons savoir à tous, que Nous, de tous les debas et de toutes les calenges devantdites, et de la querre qui de ce est esmute, sommes mis et metons seur nobles hommes Guion, conte de Flandres et marchis de Namur, et seur Jehan de Avesnes, conte de Haynnau, en teil maniere, que de ce que li dei dit conte de Flandres et de Haynnau diront et ordeneront, Nous obligons, Nous et nos hoirs, à tenir bien et loialment, et par nos fois francies, l'ordenance et le pais, entierement ensi comme li devantdis doi conte diront et ordeneront. Et pour ces choses bien et fermement tenir, avons Nous ces presentes lettres scelées de nostre scel. Qui furent faites et données l'an del incarnation Nostre Signeur mil deus cens quatrevius et quatre, le lundi apres la division des Aposteles.

Cartulaire des ducs de Brabant, B, fol, 82, verso.