Rymkronyk van Jan van Heelu betreffende den slag van Woeringen van het jaer 1288

XLIV. 21 octobre 1283.

Lettres de Jean, évêque de Liége, et de Jean, duc de Brabant, par lesquelles ils conviennent de terminer tout débat qui s'est élevé ou qui pourrait s'élever entre eux, par l'arbitrage de deux prud' hommes.

Nous Jehans, par le grasce de Dieu eveskes de Liege, et Jehans, par cele meisme grasce dus de Lothricke et de Brebant, faisons savoir à tous, ke pour bien de pais et de concorde, de tous les debas et les entrepresures, ki ont estei faites entre Nous, Jehan, evesque devant dit, et nous predecesseurs, d'une part, Nous Jehan, duc de Lothricke et de Brebant, et nous ancesseurs, d'autre, et de cheaus ki avenir poroient tout le cours de nostre vie, consentons et octreons, que doi preudomme soient pris, et chascuns le sien pregne, ki aient pooir de termineir tous les debas, ki sont avenu jusques au jour duwi, et tous chiaus ki avenir poroient, tout le cours de nostre vie, ensi ke dit est, et ki par diligence enquiercent la veritei des devantdis debas, et le veritei enquise, ce ke li devantdit preudomme diront ou ordenront, de haut et de bas, Nous sommes tenuit de tenir et faire tenir à wardeir, sans aleir encontre; et se Nous aliens encontre, ke ja n'aviengne, nous seriens tenuit de deus mille mars de Liegeois, li uns envers l'autre, cils ki contre le dit iront, en nom de paine³; et ne demorroit mie le paine fourfaite, ke li dis ou li ordenance ne denst estre tenue. Et puet li uns de Nous devantdis panneir⁴, sans meffaire, seur celui ki encontre iroit, jus-

3 A titre d'amende

4 Pannier, prendre à gage, saisir, pandare

[p. 424]

kes à le somme des deus mille mars deseurdis, toutes les fois ke li uns iroit encontre le dit des preudommes, ki pris i seront, ne ne poroit cius ki panneis seroit, pour eest ocquoison, dire k'on li fesist ne grief, ne nul tort, ne recousse, ne empechement ne poroit faire cius ki panneis seroit. Et est à savoir, ke Nous evesques et dus devantdis devons jurer seur sains, ou creanteir par nous fois, ke Nous prenderons preudommes et loiaus, chascuns le sien, ki aiment pais et concorde entre Nous, à no ensciant. Et doivent li doi preudomme, pris et eslut pour ces debas acorder, au commencement jureir seur sains, k'il bien et loialment enquirront des debas, ke Nous, parties devant dites, proposerons, ou ferons proposeir devant eaus, et ke ce ne lairont, pour amour, ne pour faveur, ne pour cremeur¹, ne pour haine, ne pour don k'on leur puist donner, k'il bien et loialment n'enquiercent, et ke l'enqueste faite, la u il trouveront le droit cler, k'il ne la jugent à celui, cui li drois sera, selonc l'enqueste; et se li drois ne leur estoit si clers, ke par l'enqueste ils ne oisassent mie le droit jugier al une des parties, k'il sour leur saierment, k'il aroierit fait, et à boine conscience, au plus pres dou droit k'il porroient, le dourroient à le partie, ki plus grans droit i arait, selonc l'enqueste par eaus faite. Et est aussi à savoir, ke cheaus qui eslut seront pour Jes debas acorder, Nous, les parties devantdites, les poons osteir et autres remetre, quant il Nous plaira, sauf ce ke seur le sairenient, ke Nous arons fait, Nous ne le ferons par fraude, ne par barat, ne pour le besoigne detryer², ne empecier. Et s'il avenist ke li uns des diseurs morust, ou fust pris, ou malades, ou empecciés, par quoi il ne peust entendre cius ki misieres faurroit³, seroit tenus de metre uu autre dedans wijt iours, puis k'il en seroit requis del autre partie; et se cius, à le requeste del autre partie, ne le voloit faire, li hom del autre partie, ki aparelliés seroit d'aleir avant en le besoigne, seur le sairement k'il fait arait, poroit et devroit prendre un autre miseur, homme et foiable, à celui cui il faurroit, et manant en sa terre; et se cil apres le refusast, li devantdit misieres porroit prendre un autre preudomme, d'out k'il fust, et porroient cil doi aleir avant, en la forme et en la maniere deseurdite. Et s'il avient ke partie soit requise de ce miseur amener, et il en soit en defaute par wijt jours, on doit et peut aleir à miseur de cele partie, ki en defaute enseroit, et requerre qu'il voist avant es besoingnes avoec celui ki aparelliés seroit, et il i ert tenus d'aler par sa loiauté en la maniere deseure dite, et puent le chose terminer, sanz apeler l'outre partie, ki en defaute seroit, apres les devantelis wit jours passés. Et est encore à savoir, ke se li diseur ne terminoient les plaintes, ki lor seroient moustrées, si hastiement et si aparelliement k'il devroient, par quoi li deplaingnans s'en sentist grevei, cil ki le plainte aroit faite, de ce k'il aroient à termineir, porroit les diseurs semonre de estre wijt jours en une de ses hoines villes, et li diseur i seroient tenut d'aleir, ne patir ne s'en poroient lous ces wijt jours, s'il n'avoient avant le debat termineir. Et se ce n'estoit fait dedens ces premiers wijt jours, si ke dit est, il devroient tantoust, sanz delai, rentrer en une des boines villes del autre partie, et la estre en autel point, ke dit est des premiers wijt jours. Et devroient muer ades ces witains jours en ces villes, si ke dit est, jusques à donc k'il aroient le besoingne ou les besoingnes mises à fin, k'il aroient ensi entre mains. Et devons nommer nos diseurs d'une part et d'autre par nos lettres, pendans dedens quinze jours, apres ce que Nous serons departi ou retournei de cest ost u Nous sommes, et il doivent dedens les wijt jours, apres ce k'il seront ensi nommeit, entrer es besoingnes, ki de par Nous éune part ou d'autre lor seront proposées, en la forme ki deseure est escripte.

1 Cremeur, crainte.

2 Detryer, refuser.

3 Ki misieres fuurroit, qui n'aurait pas d'arbitre. Misieres se trouve ici pour miseur.

[p. 425]

Et touttes ces choses devantdites, promettons Nous, seur no sairement, à warder et à tenir, seur le paine devantdite. En tesmoignage de la quele chose, Nous avons fait saieler ces presentes lettres, saielées de nos seaus, ki furent faites et données l'an del Incarnation Nostre Signeur, mil deus cens quatre vins et trois, le vintunime jour del moys de witembre.

Cartulaire des ducs de Brabant, aux archives du Gouvernement, à Bruxelles, B, fol. 65, verso.