Rymkronyk van Jan van Heelu betreffende den slag van Woeringen van het jaer 1288

XXXV. 22 septembre 1283.

Alliance entre Siffroid, archevêque de Cologne, et Renaud, comte de Gueldre, contre le duc de Brabant.

Nos Siffridus, Dei gratia sanctae Coloniensis ecclesiae archiepiscopus, sacri imperii per Italiam archicancellarius, notum esse volumus universis, quod, cum inter Nos ex parte una, et virum nobilem, dominum Reynaldum, comitem Gelrensem, ducem Limburgensem, fidelem nostrum, ex altera, super castro Wassenberg, ac bonis aliis, quaestio verteretur, quae Nos, per mortem ducissae Limburgensis, ad ecclesiam nostram dicebamus devoluta, tandem inter ipsum comitem et Nos taliter exstitit concordatum, quod Nos archiepiscopus dictum comitem de ipso castro Wassenberg, et omnibus aliis bonis terrae Limburgensis, quae Nos ad ecclesiam Coloniensem dicebamus pertinere, hereditarie infeodavimus, et infeodamus in hiis scriptis.

Propter quod idem comes castrum et oppidum Wassenberg, cum vassallis, ministerialibus, juribus, et jurisdictionibus, pascuis, pratis, saltibus, nemoribus, aquarum decursibus et omnibus aliis pertinentiis suis, nobis, titulo pignoris, pro octo millibus marcarum legalium Coloniensium denariorum obligavit, pro qua summa dictus comes, aut aliquis consanguineorum, vel amicorum suorum infrascriptorum, videlicet dominus Henricus de Montfort, de Lutzellenburg, de Juliaco comites, de Valkenburg, de Heinsberg dominus, Walramus de Lutzellenburg, de Hengebach, de Lewenberg, de Bercheim, et Gerardus de Juliaco, castrum et oppidum praedictnm cum vassallis, ministerialibus, pascuis, pratis, nemoribus, saltibus, aquarum decursibus et omnibus pertinentiis p(raedictis r)edimere poterunt, contradictione qualibet non obstante. Hoc condicto, quod si Nos in dicto castro aliquid munitionis fecerimus infra trescentarum marcarum aestimationem, ad taxationem discretorum, ab utraque parte adhibendorum, castrum ipsum pro dicta taxatione erit obligatum cum summa principali. Nosque castrum et opidum, ac pertinentia, non deteriorabimus ex culpa nostra. Neque etiam pandabimus, nec tenebimus contra comitem, et praenominatos, ad faciendum de munitione supradicta, aut pertinentiis ejusdem.

[p. 418]

Similiter si comes, et praedicti, contra Nos, et ecclesiam nostram aliquid habuerint, non pandabunt in Wassenberg, aut pertinentiis ejusdem.

Promittimus etiam, quod Philippum dictum De Porsele, aut fratres suos, dicti comitis inimicos, nostros non faciemus officiatos, nec tenebimus in Wassenberg contra praedictum comitem et suos adjutores.

Ceterum, quia dus Brabantiae comitem Gelrensem, ducem Limburgensem, fidelem nostrum, et terram suam Limburgensem invasit incendiis et rapinis, sibi dicti comitis et ducis ac nostrum dominium usurpando, tam de bonis Limburgensibus, quam de aliis, quae tenet a nobis, se intromittendo, promisimus et promittimus in hiis scriptis, juramento interposito, et fide praestita corporali, dicto comiti duci, ac suis consanguineis et amicis praenominatis, dictorum bonorum heredibus, fidelibus nostris, assistere potenter, contra ducem Brabantiae, comitem de Monte, et eorem adjutores, in expensis nostris, ubicumque et quociescumque fuerit oportunum, domino nostro illustri Romanorum rege duntaxat excepto.

Dictusque comes et sui adjutores praedicti, unusquisque pro se, promiserunt nobis assistere potenter et patenter contra dietum ducem, comitem de Monte et eorum adjutores, in expensis suis, quociescumque, et ubicumque fuerit opportunum. Interposito tali pacto, quod cum dicto duce Brabantiae, comite de Monte, et adjutoribus eorundem compositionem non faciemus, nisi de dicti comitis, et omnium ac singulorum praenominatorum expresso consensu processerit et voluntate. Adeo ut, si aliquis ex omnibus nobis caderet a tali pacto, illum habeamus perjurum, fidei violatorem, et inimicum nostrum, ac propter hoc eum omnes invademus. Protestantes, quod nos Siffridus archiepiscopus, et omnes praenominati, simul manebimus, et in omnem eventum non dividemur in hac guerra, et in eo, quod ex ea fuerit (insecutu)m.

Praedicti etiam comites et nobiles recognoverunt et recognoscunt dictum castrum cum suis attinentiis, prout est praemissum, de sua voluntate et consensu fore obligatum, ac alia praemissa jurasse et promisisse.

Et ut dictum castrum et opidum Wassenberg, cum omnibus suis pertinentiis, restituatur libere, summa superius expressa, cum pecunia taxanda, nobis persoluta, dicto comiti, aut cuilibet praemissorum, ipso comite prius defuncto, vel suo accedente consensu, praesens scriptum nostro, et capituli nostri, sigillis duximus muniendum.

Et nos capitulum majoris ecclesiae Coloniensis sigillum nostrum apposuimus huic scripto, in praemissorum testimonium et munimen.

Est etiam adjectum, quod Adam de Underech, miles, jurisdictionem villae Beke, et proventus triginta maldrorum annonae, quae tenet ibidem in pignore pro centum marcis Coloniensium denariorum, retinebit, donec redimantur.

Datum et concordatum apud Wannele, anno domini millesimo ducentesimo octuagesimo tertio, in crastino beati Mathaei apostoli et evangelistae.

L'original, muni de deux sceaux en cire verte, aux archives de de la province de Gueldre. Bondam, Charterboek, pag. 688.