Rymkronyk van Jan van Heelu betreffende den slag van Woeringen van het jaer 1288

[p. 415]

XXXII. 11 août 1283.

Alliance entre l'archevêque de Cologne et le comte de Clèves.

Nos Sifridus, Dei gratia sanctae Coloniensis ecclesiae archiepiscopus, sacri imperii per Italiam archicancellarius, et Nos Theodoricus, comes Clevensis, notum facimus universis praesens scriptum visuris, quod super mutua assistentia nobis invicem facienda convenimus et concordavimus in hunc modum. Ita, videlicet, quod Nos comes praedictus ipsum dominum archiepiscopum juvabimus contra quoscumque, domino nostro Rudolpho Romanorum rege, consanguineis et fidelibus nostris duntaxat exceptis; hoc adjecto, quod si idem dominus archiepiscopus contra aliquem consanguineorum vel fidelium nostrorum quaestionem habuerit, Nos hujusmodi consanguineos, vel fideles nostros, cum eodem archiepiscopo concordandi in amicitia vel in jure potestatem habebimus, et habemus ab eodem, infra sex septimanas postquam ab ipso domino archiepiscopo fuerimus requisiti; et si dicti consanguinei, vel fideles nostri in hoc dicto nostro et ordinationi stare et parere noluerint, Nos ex tune eidem domino archiepiscopo assistemus contra ipsos...¹

Actum et datum Nussiae, anno Domini M^o CC^o LXXX tertio, in crastino Laurentii.

Aux archives de Cologne, Farrago Gelenii, tom. II, fol. 119, verso.

1 Suivent les mêmes promesses de la part de l'archevêque.