Rymkronyk van Jan van Heelu betreffende den slag van Woeringen van het jaer 1288

XXI 8 août 1281.

Lettres de Jean, duc de Brabant, par lesquelles il s'engage à faire mettre l'évêque de Liége en possession de Paale, que celui-ci avait achcié de Gérard de Luxembourg, seigneur de Durbuy.

Nous Jehans, par la grace de Diu dus de Lothier et de Braibant, faisons savoir à tous, ke come reverens pères nostre chiers sires, messire Jehans par la grace de Diu évesques de Liege, deust à noble homme nostre féauble Gerart de Luxcelbourgh, segneur de Durbui, une certaine somme de deniers, pour raison del acat d'une vile, con apelle Paalle, le quele vile nostre chiers sires l'Evesque aceta au segneur de Durbui devant dit, et l'Evesques li ait paié deux cens mars de Ligois, en nom de premier paement del acat de le vile devant dite, et pour l'amour de nous, jasoice¹ kil ne soit mie mis en le devant dite vile de Paalle, nous nous obligons par nos présentes lettres envers nostre segneur l'evesque, ke nous, de tous cous et de tous frais et de tous péris, ki venir poroient, pour le paement des deux cens mars devant dites, l'osterons quitte et delivre, et ferons le paement tenir estable, et le ferons mettre en la tenure de Paalle, bien et à loi, et en ferons deshireteir le segneur de Durbui, et werpir, et après ce nostre sire l'évesques devra paier à segneur de Durbui le remanent de le somme de Paalle devant dite, à termine ki mis i est, et

1 Jasoice, ainsi est.

[p. 408]

parmi che nous devons rendre, quant li derrains paemens sera fait, al évesque ses lettres ki parolent de le obligance de Paalle deseur nomée. En tesmongnage de nos présentes lettres saellées de nostre saiel, la furent donées en l'an de le incarnation nostre segneur mil deux cens quatre vins et un, le venredi devant le Saint Lorens.

L'original, avec le secau du duc de Brabant en eire jaune, aux archives de la provinco de Liége.