Rymkronyk van Jan van Heelu betreffende den slag van Woeringen van het jaer 1288

XIII 31 mars 1277.

Renouvellement des anciennes alliances, entre le duc de Brabant et l'archevêque de Cologne.

Nos Joannes, Dei gratia dux Lotharingiae et Brabantiae, Notum facimus universis tam praesentibus quam futuris, Quod cum ab antiquo inter ecclesiam Coloniensem et piae memoriae dominum

[p. 402]

Brunonem, dominum Adolphum, dominum Theodoricum, et dominum Engelbertum, quondam Coloniensis ecclesiae Archiepiscopos, ex una parte, et progenitorcs nostros, olim duces Lotharingiae et Brabantiae, necnon et terras eorum, ex altera, confoederata sit dilectio et confirmata confoederatio, ut nullae aliorum hominum amicitiae vel discordiae possent hujusmodi confoederationis ac dilectionis vinculum dissipare: hoc attendentes quod Nos et terrae nostrae per hujusmodi confoederationis ac dilectionis innovationem poterimus à diversis incommodis sublevari, hujusmodi confoederationem et dilectionem, de consilio nostrorum fidelium, cum reverendo patre ac domino nostro domino Sifrido, sanctae Coloniensis ecclesiae archiepiscopo, et sacri imperii per Italiam archicancellario, duximus innovandam, promittentes, tenore praesentium literarum, quod eandem confoederationem et dilectionem ipsi domino archiepiscopo servabimus, et eidem omni consilio et auxilio, in juris sui et libertatis ecclesiae Coloniensis conservatione contra omnem personam totis viribus assistemus, eo modo Nos obligantes ad observationem praemissorum, quo dicti progenitores nostri praedecessoribus dicti domini archiepiscopi fuerint obligati, et prout in litteris dictorum progenitorum nostrorum et praedecessorum suorum archiepiscoporum Coloniensium super hoc confectis plenius continetur. In cujus rei testimonium et munimen praesentibus litteris sigillum nostrum duximus apponendum. Datum anno domini millesimo ducentesimo sextuagesimo septimo, feria quarta proxima post diem Paschae.

Farrago Gelenii, aux archives de Cologne, tom. II, fol 117.