Judas de verrader

[p. VII]

Ad Joannem Hasium
Carmina sua edentem, quorum titulus, Judas proditor.

HAsiade, Aonio qui flumine proluis ora,

Et sacrum Batavo pollice tangis ebur:

Non haec dia tibi quae scribis carmina dictant

Picrides, priscae numina stultitiae:

Verum aura meliore animatus nobile condis

Iscariothaeae proditionis opus.

Felix qui cupias tali decurrere campo,

Et celeri ad palmam fervidus ire rota.

Gratatur spatio emenso tibi Belga sibique,

Attenta numeros dum bibit aure tuos.

[p. VIII]

 

Vondelius, nostrae nomen memorabile terrae,

 

Argutam haud alia moverat arte lyram.

 

Futilibus pascat sese plebs inscia nugis,

 

Et placeant rauco barbara verba sono:

 

Non huic invideo; at Batavae modulamina Suadae

 

Quisquis amas, mecum haec carmina sacra lege.

 

 

 

J. DE WITT.