Liedekens ende Refereynen Ghemaeckt by Haerlem Soetendal, van zijn Avontueren
(1618)– Haerlem Soetendal–
AuteursrechtvrijOp de Wijse: Ghy Linnewevers al.
HOort toe ghy Vrienden al
die hier in vreden sijt
Wat ic ons singen sal, Een liedeken nae den tijt
dat wy hadden respijt, na corteryc te varen,
Fray opghestelt // als een cloec helt
door de wilde Zee baren.
Mochtmen met eenen loop
Te Corterijcke zijn,
Ic gaf noch eenen stoop
Al van den besten Wijn // En dat ic mochte fijn,
Al op de Oude Halle,
Hooren staen-stijf // Man ende Wijf,
Genaemt Manten en Calle.
Te Corterijck ydoon
Op den Sacraments dach,
Hoe veel ghenoechte schoon
Van spelen men daer sach,
Is niet een groot gheklach
datmen dat kan beletten.
Vijf Vaendels Walen quaet
Quamen daer met verraet
| |
[pagina 56]
| |
Zy en staken gheen Trompetten.
Eenen verrader boos
die haer de mare de
En gaf haer lien de loos
Om te komen in ste
maer hare oude ze
Was al moorden en branden
zy smetent daer al doot, cleen ende groot
die geweer had' in handen.
Daer was groot ghekrijs
Van menschen cleen ende groot
mans dochters ende wijfs,
Vreesende van de doot,
de Kinderen minjoot,
En hebben niet ghezweghen,
Het moster al an // Tsy wijf of man
Als zy wierden ghekreghen.
Met dat zy quamen in
De Walen seer bloedtgier,
Haer lien eerste begin
dat was te stoken vier
Verbranden 't Stadthuys schier
Ymmers also ick wane
Quamen met een ghedruys
Zy verbranden een Huys
daer stack uyt de zwane.
Zommige Burghers fraey,
Wierden daer uytghejaecht
Al van den Papegaey
Die de vier tuyten draecht,
Zwevegem onvertsaecht
Heeft het haer sterck bevolen
Twonen was haer belet
men gafse elck een Biljet
doen mosten zy gaen doolen.
Een stede staet onvast
Daer God niet me en waere
| |
[pagina 57]
| |
daer is menigen gast, Die na Christi bloet haect,
dus en weest niet vervaert, en laet u niet betrapen
Bout u Casteel // op Godt gheheel
En wilt niet langher slapen.
|
|