Het paradijs der geestelijke en kerkelijke lofzangen (onder pseudoniem Salomon Theodotus)

Psalmvs 131

MEmento Domine David & omnis mansuetudinis ejus.
Sicut juravit Domino: votum vovit Deo Jacob.
Si introiero in tabernaculum domus meae: si ascendero in lectum strati mei.
Si dedero somnum oculis meis: & palpebris meis dormitationem.
Et requiem temporibus meis, donec inveniam locum Domino: tabernaculum Deo Iacob.

[p. 729]

 

Ecce audivimus eam in Ephrata: invenimus eam in campis silvae.

 

Introibimus in tabernaculum ejus: adorabimus in loco ubi steterunt pedes ejus.

 

Surge Domine in requiem tuam: tu & arca sanctificationis tuae.

 

Sacerdotes tui induantur justitiam: & sancti tui exultent.

 

Propter David servum tuum: non avertas faciem Christi tui.

 

Iuravit Dominus David veritatem, & non frustrabitur eum: De fructu ventris tui ponam super sedem tuam.

 

Si custodierint filij tui testamentum meum: & testimoniae mea haec, quae docebo eos.

 

Et filij eorum usque in saeculum: sedebunt super sedem tuam.

 

Quoniam elegit Dominus Sion: elegit eam in habitationem sibi.

 

Haec requies mea in saeculum saeculi: hic habitabo, quoniam elegi eam.

 

Viduam ejus benedicens benedicam: pauperes ejus saturabo panibus.

 

Sacerdotes ejus induam salutari: & sancti ejus exultatione exultabunt.

 

Illuc producam cornu David: paravi lucernam Christo meo.

 

Inimicos ejus induam confusione: super ipsum autem efflorebit sanctificatio mea.

 

Gloria Patri, & Filio.

[p. 730]

De tweede Vesper van Kersmisse ende het geheele Octave door. Dixit Dominus, &c. Confitebor &c. Beatus vir, &c. Als vooren, Daer na volght