Het paradijs der geestelijke en kerkelijke lofzangen (onder pseudoniem Salomon Theodotus)

Psalmvs 113.

IN exitu Israel de AEgypto: domus Iacob de populo barbaro.
Facta est Iudaea sanctificatio ejus: Israel potestas ejus.
Mare vidit, & fugit: Iordanis conversus est retrorsum.
Montes exultaverunt ut arietes: & colles sicut agni ovium.
Quid est tibi mare, quòd fugisti: & tu Iordanis, quia conversus es retrorsum?
Montes exultastis sicut arietes: & colles sicut agni ovium.
A facie Domini mota est terra: à facie Dei Iacob.
Qui convertit petram in stagna aquarum: & rupem in fontes aquarum.
Non nobis Domine, non nobis: sed nomini tuo da gloriam.
Super misericordia tua, & veritate tua: ne quando dicant gentes, Ubi est Deus eorum?
Deus autem noster in caelo: omnia quaecumque voluit, fecit.
Simulacra gentium, argentum & aurum: opera manuum hominum.
Os habent, & nonloquentur: oculus habent, & non videbunt.
Aures habent, & non audient: nares ha-

[p. 726]

 

bent, & non odorabunt.

 

Manus habent, & non palpabunt pedes habent, & non ambulabunt: non clamabunt in gutture suo.

 

Similes illis fiant qui faciunt ea: & omnes qui confidunt in eis.

 

Domus Israel speravit in Domino: adjutor eorum, & protector eorum est.

 

Qui timent Dominum, speraverunt in Domino: adjutor eorum, & protector eorum est.

 

Dominus memor fuit nostri: & benedixit domui Aaron.

 

Benedixit omnibus qui timent Dominum: pusillis cum majoribus.

 

Adjiciat Dominus super vos: super vos, &super filios vestros.

 

Benedicti vos à Domino: qui fecit caelum & terram.

 

Caelum caeli Domino: terram autem dedit filijs hominum.

 

Non mortui laudabunt te Domine: neque omnes qui descendunt in infernum.

 

Sed nos qui vivimus, benedicimus Domino: ex hoc nunc & usque in saeculum.

 

Gloria Patri, & Filio.