Logo DBNL
Den lust-hof der Christelycke leeringhe (1622)

Den lust-hof der Christelycke leeringhe

(1622)–Benedictus van Haeften–rechtenstatus Auteursrechtvrij

Vorige Volgende


illustratie

Encomivm statvs religiosi.

Iuxta numeros:
O vvercken Godts, die t'allen tijden.

 
FElix ter & quater beatus.
 
Sàcrae Religionis status,
 
Quot gaudet adminiculis!
 
Quot priuilegijs ditatur!
 
Mundana vita queis priuatur,
 
Vita plena periculis.
 
 
 
Ah! mundus valeat immundus+
 
Fraudis & crimi num faecundus,
 
Mersus aquis diluvij:
 
Religio virtutis schola
 
Nos puritatis ornat stola;
 
Haec Arca, & vrbs refugij.
 
 
 
Hîc rariora sunt peccata,
 
Hîc florida scripturae prata,
 
Hîc Paradisus Domini.
 
O quanta spiritus pinguedo!
 
Quis fauus hic? ô quae dulcedo
 
Gustanda datur homini!
 
 
 
In pietatis officina
 
Mox surgit lapsus à ruina,+
 
Incedit inde cautiùs:
 
In Aula Regis hîc quiescit
 
Securiùs; hîc viuit, crescit;
 
Reficitur hîc lautiùs.
 
 
 
Diuini fornax hîc amoris
 
Caelestis imber pluit roris,+
 
Hîc ager est irriguus:
 
O quid hîc mundi cernunt corde!
 
Quàm citò se purgant à sorde!+
 
Quàm naeuus hîc exiguus!
 
Hîc carcer est cupiditatis,
 
Et propriae mors voluntatis,
 
Bustum concupiscentiae:
 
Hîc margarita Castitatis,
 
Thesaurus almae Paupertatis,
 
Gemmaq́ue Obedientiae.
 
 
 
Haec domus est orationis,
 
Campusq́ue meditationis;
 
Hîc crebra viget lectio,
 
Mons purae contemplationis,
 
Medulla, fons deuotionis,
 
Amatur hîc perfectio.
 
 
 
Ad hunc salutis verae portum,
 
Portam caeli, virtutis hortum
 
E maris fuge fluctibus:
 
Fuge, fuge, tace, quiesce;
 
Cum Iesv bonum est hîc esse,
 
Eiusq́ue frui fructibus.
 
 
 
+Obsistat chara quamuis mater,
 
In limine se sternat pater,
 
Intrepidus huc propera:
 
Per reluctantem perge matrem,
 
Et per calcatum perge patrem:
 
Christus vocat; huc euola.
 
 
 
Olim iuuabit huc venisse,
 
+Olim gaudebis sic vixisse:
 
Ad huius vitae terminum
 
Horrebunt alij dum mortem,
 
Optabis hanc vt laetam sortem,
 
Vt ad salutem transitum.
 
 
 
+O faustus, ô felix successus!
 
Hanc vitam ritè dum professus
 
Intrat in Dei gaudium;
 
Caelorum scriptus iam possessor,
 
Et summi Iudicis assessor:
 
O gaudium! ô praemium!

Vorige Volgende