Logo DBNL
Den lust-hof der Christelycke leeringhe (1622)

Den lust-hof der Christelycke leeringhe

(1622)–Benedictus van Haeften–rechtenstatus Auteursrechtvrij

Vorige Volgende


illustratie

Magno martyri, sancto Praesvli, D. Rvmoldo, Archiepiscopo Dvblinensi, Metropolitanae Ecclesiae, et civitatis Mechliniensis patrono, Ode Sapphica.

Ad numeros:
Vt queant laxis resonare fibris
Iste confessor Domini sacratus.
Virginis proles, opifexq́ue matris. vel vt suprà 145.

 
DVlce sacrato mea lingua pange
 
Praesuli carmen; cane laureati
 
Martyris, celsa, celebrem Rumoldi
 
Voce Triumphum.
 
 
 
Te decent laudes, Sacer ô! Rumolde,
 
Te, cui terris procul his relictis
 
Contigit fuso, superas adire
 
Sanguine, sedes.
 
 
 
Clara ne virtus modio lateret,
 
Sceptra contemnis, patriamq́ue, & ipsum
 
Infulae sacrum decus; & remotas
 
Tendis in oras.
 
Ergo, iam pauper, Dominam petisti
 
Tot per anfractus peregrinus vrbem,
 
Sacra vbi sacris veneraris aris
 
Ossa reposta.
 
 
 
Inde digressus Domino monente,
 
Figis hîc sedes, vbi tortuosus
 
Inclytam, flexu vario, Malinam
 
Dilia transit.
 
 
 
Prole mox chara steriles beasti
 
Hospites: mersum rapidis sub vndis
 
Iamq́ue defunctum reuocas Libertum
 
Lucis in auras.
 
 
 
Quid loquar vitae quoties beatae
 
Edoces leges? quoties docentem
 
Audit intentus populus tuoq́ue
 
Pendet ab ore.
 
 
 
Sed fames quid non sacra suadet auri?
 
Te tuo nummûm cupidi (nefandum
 
Proh scelus!) fetro perimunt: cadauer
 
Fluctibus abdunt.
 
 
 
Corpus at noctu radiante luce
 
Proditum, seruat, venerans Malina:
 
O quater sanctam, quater his beatam
 
Ossibus vrbem!
 
 
 
Sterne te totam Generosa quanta es
 
Ciuitas, tanti tumulo Patroni,
 
Orna, & exorna meliora gemmis,
 
Martyris ossa.
 
 
 
Sancte, nunc vrbis decus, ô Rumolde,
 
Ciuibus dona benedictionem:
 
Vrbis & totum regimen teneto
 
Iure sepulchri.
 
Haeresim, pestem, fera bella, morbos
 
Finibus nostris procul, ô! repelle;
 
Adiuua sanctis precibus clientes,
 
Sancte Rumolde.
 
 
 
Fac vti te qua licet aemulantes,
 
Te triumphantem comitemur illuc
 
Nunc vbi aeterna frueris salute,
 
Sancte Rumolde.

Vorige Volgende