Den lust-hof der Christelycke leeringhe

[p. 131]

[p. 132]

Ad Angelvm cvstodem.

Iuxta modulos:
Die voor ons hebt gheleden, pag. 26. aliosq́ue ibi notatos: Vel, vt suprà pag. 131.

ANgelice Patrone,
Beate Spiritus,
Custos & Tutor bone,
Mi date caelitùs;
Tuo grate amori
Mens gestit dicere;
Quo sine nolim mori,
Nec ausim viuere.

O comes, & antistes
Vitae indiuiduus,
A me ne longè distes,
Sis dux assiduus,
Me protege, tuere,
Accende, dirige;
Instruere, docere
Me, Doctor satage.

Infirmum me conforta,
Sustena labilem;
In manibus me porta,
⁺Ne fors ad lapidem
Pedes meos offendam:
Sed recto tramite
Da facilis ascendam
Culmen iustitiae.

Si daemon infernalis
Paret insidias,
Diuine mi sodalis
Adfer suppetias;
Hostemq́; procul pelle,
Vel mecum superes:
Fac me nil vmquam velle,
Quàm quod tu cuperes.

In viam duc salutis,
Errantem moneas,
Obstacula virtutis
De via moueas:
Mens sceleris sit pura;
Ah! mens ne pereat,
Huic Deus vna cura
Infixus haereat.

Preces si quando fundo,
O! sint angelicae:
Quas calatho tu mundo
Tum promptus excipe,
Et ex his serta plectens
Offer caelitibus;
Dei, Diuumque annectens
Sacris capitibus.

+ Psalm. 90. 11.

[p. 133]

 

A teneris fuisti

 

Mihi qui socius,

 

In hora mortis tristi

 

Accurras ocyùs,

 

Et animam defende

 

A fraude daemonis,

 

Modumq́ue tunc ostende

 

Placandi Numinis.

 

 

 

Ah! mortis in agone

 

Fac verè doleam,

 

Pura confessione

 

Peccata deleam;

 

Fide, Spe, Charitate,

 

Et Patientiâ

 

Munitus pietate,

 

Linquam praesentia.

 

 

 

Hanc animam tremendo

 

Sistendam Iudici,

 

Tibi Praeses commendo;

 

Illi tu subueni:

 

O Angele me Custos

 

Migrantem tollito,

 

Et laetus interiustos

 

Ad dextram ponito.