Den lust-hof der Christelycke leeringhe

[p. 108]

[p. 109]

Canticum Ecclesiae, Salue Regina,
Rhytmijs expressum,

Ad modulos:
Aue Maria, Godts liefste lief ydoone. Oft: Singht, en vvilt loven den Vader Godt almachtigh. Pag. 39.

SAlue Regina, Maria Mater aue,
Mater, ô! faue misericordiae:
Virgo diuina, gratum Dei conclaue,
Manna suaue, nexus concoridae,

Vita viuentium,

Dulcedo mentium,

Spes nostra salue, salus credentium.

Ad te clamamus Extorres, Mediatrix,
O vitae datrix, nos Evae filij:
Praebe, rogamus, potens auxiliatrix
En consolatrix, manus auxilij;

Euae piacula

Tu sine macula

Tollis, adimplens legis oracula.

Ad te gementes, ô virgo, suspiramus,
Ad te leuamus, voces heu! flebiles,
Faciem flentes heu! lacrymis rigamus,
Teq́ue imploramus, conforta debiles:

Causa laetitiae,

In hac tristitiae,

Et lacrymarum nos valle respice.

Eia Aduocata, eia mitis, & bona,
Gratiae dona, concede miseris;
Mater ornata stelliferâ coronâ,
Spes, & Patrona humani generis,

Illos nunc Oculos

Amoris foculos

Ad nos conuerte, tuos hîc famulos.

[p. 110]

 

Post vitae luctum, & vltimum conflictum

 

Te duce victum, post hoc exilium,

 

Ventris ô! fructum, Iesvm benedictum

 

Nobis addictum, ostende filium.

 

O caeli gloria,

 

Non transitoria

 

Viuat in nobis tui memoria.

 

 

 

Clemens & Pia, Mater & Sponsa Dei,

 

Tu potens ei nos reconcilia:

 

Dulcis Maria, lux fulgida diei,

 

Anchora spei, O nati filia,

 

Has laudes accipe,

 

Nos malis eripe,

 

In mortis hora nos sinu suscipe. Amen.