Den lust-hof der Christelycke leeringhe

[p. 63]

[p. 64]

In sacro-sanctam & adorandam Iesv Christi
Crucem, Hymnus.

Op de vvijse hier vooren. pag. 63.

TRiumphale Crucis melos

Pangat terra, tangat coelos,

Resonet Ecclesia:

⁺Nobis absit gloriari,

Nisi in cruce salutari,

In qua datur venia.

Aue lignum sanctae crucis:

O vexillum nostri ducis

Rubens Agni sanguine!

Dulcis crux, o dulce lignum!

Nulla silua tam fert dignum

Fronde, flore, germine.

⁺Stipes AEnei serpentis

Morsus curans se videntis

Crucis est victoria.

Christus cruce subleuatus,

Supra terras exaltatus

⁺Ad se traxit omnia.

⁺Aue lignum quod amaras

Aquas, dulces atque charas

Mersum reddis fluuio:

⁺Virga Moysis pandens mare,

⁺Arca Noë, nos saluare

Potens à diluuio.

⁺Aue nauis, aue portus,

Aue voluptatis hortus,

Flore vernans gratiae:

Lignum vitae, radix rara,

+ Gal. 6. 14.

+ Ioan. 3. 14.

+ Ioan. 12. 32.

+ Exod. 15. 25.

+ Exod. 14. 16.

+ Gen. 7. 24.

+ Gen. 2. 8.

[p. 65]

 

Salue ò salutis ara,

 

Regem ferens glorie.⁺

 

 

 

Aue Crux, de cuius vecte⁺

 

Botrus Cypri pendens, lecta

 

Sponsae fert delirias:

 

De calcato torculari

 

Cupiens inebriari

 

Gentium primitias.

 

 

 

Supra cedros Crux procera

 

Facta corporis statera

 

Iesv Christi Domini:

 

Tu de membris Iesv Christi

 

Omne decus attraxisti,

 

AEgro salus homini.

 

 

 

Tuam crucem adoramus,

 

Teq́ue in cruce salutamus,

 

Iesv, nostrum gaudium:

 

Vita nostra ligno pendens,⁺

 

 

 

Vitam mortuis ostendens,

 

Memor sis fidelium.

 

 

 

Christe Iesv crucifixe,

 

Te rogamus, ah! obnixè,

 

Nos vt cruce munias:

 

Et intentos crucis laudi,

 

Iesv bone, sic axaudi,

 

Ne nos semper punias.

 

 

 

O! sit nobis crux fidelis,

 

Quae parebit tunc in coelis,

 

Cùm Iudex adveneris

 

Tunc ad dextram nos ô Christe

 

Inter oues tuas siste,

 

Spes humani generis.

+ Gen. 3. 23.

+ Num. 13. 24.

+ Deut. 28. 66.