Den lust-hof der Christelycke leeringhe

[p. 41]

Iesv Christo recens nato.

Ad modulos:
1. Ick wil my gaen vermeyden. 2. Siet mensch, en heft op uvv' ooghen. 3. VVaer dat ick my vvend' of keere.

IN Bethlem transeamus

Amoris gressibus,⁺

Et natum videamus

Mentis excessibus;

Vbi panis Angelorum

In stabulo

Pro pabulo

Expositus est iumentorum.

A saeculis optate

Iesv dulcissime,

Cunctis desiderate

Salue gratissime,

+ Luc. 2.

[p. 42]

 

Tandem coelis descendisti?

 

O Domine

 

Pro homine

 

Te nimis exinanîsti!

 

 

 

Ergo Rex saeculorum,

 

Creator omnium,

 

Rex terrae, Rex caelorum

 

Fit frater hominum?

 

Ergo Verbum caro factum

 

⁺Vt Pusio

 

Praesepio

 

Iacet paruulo contractum?

 

 

 

Si regis hîc Maiestas;

 

Vbi sceptrum, famuli?

 

Aula, thronus, potestas,

 

Et strati lectuli?

 

Vbi regiae sunt vestes?

 

Hae paleae,

 

Hae fasciae,

 

Súntne dignitatis testes?

 

 

 

Huc Amor te vocavit

 

Humani generis,

 

Hîc mei reclinavit

 

Te noxa sceleris.

 

Meos Iesv sumis artus,

 

O Bonitas!

 

O Charitas!

 

Benedictus sit iste partus!

 

 

 

Infantis hunc amorem

 

Omnes attendite,

 

Vos grates & honorem

 

Coeli rependite:

 

Huc anima mea repe,

 

Et osculis,

 

Ac flosculis

 

Cinge Regium praesepe.

+ Ioan. 1. 14.

[p. 43]

 

Quid tantae Charitati,

 

Quid Iesv deferam?

 

Ah! quid humanitati

 

Tuae nunc referam?

 

Pro me meaq́ue salute

 

O Iesv mi

 

Amoris vi

 

Panniculis inuolute!

 

 

 

Pro stabulo me dedo,

 

Corpus pro stramine,

 

Cor pro praesepi cedo

 

Et pro solamine,

 

Pro pannis Amor te stringat,

 

Homo Deus,

 

Amor meus,

 

Me totum tibi compingat.

 

 

 

O Verbum Incarnatum

 

Rerum principium,

 

Pro me humiliatum

 

Velut mancipium;

 

O dilecte mi votorum,⁺

 

O trahe me,

 

Curram post te⁺

 

In odorem vnguentorum. Amen.

+ Prouerb. 31. 2.

+ Cant. 1. 3.