De kroniek van Godevaert van Haecht over de troebelen van 1565 tot 1574 te Antwerpen en elders

February.

⁺ In dese maent, doer dien den sneeuwe smolte werden alle riviren so groot, dat er groote scade doer gesciede. Ende op den 23 dach, so viel tot Parys de brugghe in van Sinte Mertenspoorte doer de cracht van der riviren, die haer so breet spreyde, als by menschen gedeynken gesien was.

+ De Seyne tot Parys breeckt een brugghe.

[p. 148]

⁺ Op den lesten January doer groote coude was tot Antwerpen een scolle ys voer de stat blijven steken, waer een man overliep, maer 't en duerde maer een getyde.

⁺ Item also den peys in Vranckeryck noch ter tyt van weerden gehouden werdt, so conden nochtans de catolycke qualyck met die van der religien overdraghen, beginnende alreede eenighe te vermoorden boven in 't landt en daer 't geordineert was openbare predicatien te moghen houden, wilden 't de papisten qualyck verdraegen, vuel min noch in 't afsceyden van gronden en erven, die geconfisqueert waeren; waerom men diveersche clachten aen den conick quam doen om sulcx te versien, alsoo 't oock belooft werdt eenen heer te commiteren om aen beyde syden de vredebrekers te straffen.

+ Te voet over de ryviere tot Antwerpen.

+ Clachten aen den conick over die teghen den peys den volcke van der religien moorden of sca deden.