De Psalmen Dauids

Teghen de dry Eerts-vianden der Silen.

1

O Godt verleent my v ghenaedt
Gheeft Hulp' end' Raedt,
Oft ic moet heel vertzagen:
Grousaem veel der vianden zijn,
Op dit termijn,
Elc wil my van v iaghen.
My heeft gheset // De werelt t'net,
Het sondich vleesch // Doet ooc dien eesch:
O Heer ic gaet v clagen.

2

Satan is d'eerste viant quaet,

Hy ruct end' slaet,

End' doet veel boose Tucken,

[p. 107]

 

Nochtans soo en schout hem gheen man,

 

Om dat hy can

 

Den schalc zeer hooflijc smucken

 

Met huychely' // Daer in dat hy

 

Hem heel verborcht // Veel volcx verworcht,

 

Als ghijt hem laet ghelucken.

3

Voor desen moorder my behoet,

Door v deucht goet,

Maect mijn Hert' reyn, O Heere:
Als ghy niet selfs het Huys en bout,

End' onderhout,

Soo vallet snel daer-neere,
En ghy niet zijt // O Heer' altijt
Selfs helper groot // Door desen stoot,
So blijf' ic in oneere.

4

Daer-om (O Heer') wilt my bystaen,

Van nv voort-aen

Tot in mijn laest' voleynden:
Daer-om ic het vry waghen sal

Wat ick hebb' al:

Wilt my uwen troost seynden:
Soo blijf' ic vast // Al berst door last
De Werelt broos // De Duyuel boos,
T'sal my van v niet weynden.

5

Oft de werelt de Duyuels al

In groot ghetal

By een stonden verheuen,
Soo is by v Troost, onghemist,

Heer Iesu Christ,

Ghy condtse all' doen sneuen:
Henen ic vaer // Wient ooc leet waer',

[p. 108]

 

Ia alleman // Daer leyt niet an:

 

Tot v wil ic my gheuen.

6

De dach comt end' is na bereydt,

Welk' brengt groot Leydt

Dien die hem laet verschrecken,
End' niet ghelooft in desen noot

Aenden Heer' groot,

Sult zijn schalcheyt ontdecken,
Hun straffen zeer // Hoe lanx hoe meer:
Eewich daer by // O Godt wilt my
In Christo doch op-wecken.

7

Ghy sult helpen wt het ghequel

T'volc Israel,

Inde coemst' uwer daghen,
End' sult recht verdoemen, met macht

T'godloos gheslacht,

Die nv in v vertzaghen:
Ic coem' tot dy // O Heer' helpt my,
Van my niet weyndt // V in mijn eyndt,
Ic wilt vrymoedich waghen.