De Psalmen Dauids

Vande Gheboorte Christi Dies est Lititie.

[p. 68]

1

DE dach die is soo vreuchden-rijc
By elcke Creature,
Want Godts Soon van het Hemelrijc
(Bouen s'Menschen nature)
Van eender Maecht geboren // is:
Maria recht vercoren // is
Te zijn Moeder alleene:
Wat wasser oyt soo wonderlijc,
Godts Sone van het Hemelrijc
Die werdt een mensche reene.

2

Ghelijc de Sonn' t'ghelas doorschijnt
Met claren schijn certeyne,
Het welc daer af niet en verdwijnt:
Soo merct all' in t'ghemeyne,

Dat ooc soo wort gheboren hier,

Van eender Maghet reyn end' fier,
Godts Soon' zeer groot van weyrden:

In een Cribbe wert gheleyt hy,

Groote pijn voor ons leet hy vry,
Al hier op deser Eyrden.

[p. 69]

3

De Herders op t'Velt waren daer,
Vernamen niwe mare
Vande groote Enghelsche schaer,
Hoe Christ' gheboren ware,

Een Coninc der Coninghen groot:

Herodes sulck gherucht verdroot,
Sondt daerom wt zijn Boden,

Och, wat een groote valsche list

Bedacht hy teghen Iesum Christ:
De kinders liet hy dooden.