De Psalmen Dauids

Den xxi. Psalm.

Is een Ghebedt ende prophecie, dat Christus vander doot verrijsen, eewelijc leuen, ons seghenen, ende ouer alle sijne vyanden victorie hebben sal.

1

HEere de Coninc hem verheucht
In v sterct' ende groote cracht:
In v hulp' is hy gansch verieucht,
Ghy geeft hem zijns herten gedacht,
End' weygert hem niet van allen
Wat sijn hert' bidt, end' sijnen mont. Sela.
Want ghy Heer' laet op hem vallen
Vwen Seghen na v verbont:
Ghy settet een gulden croone
Op zijn hooft,

[p. 59]

 

die hem vast aencleeft.

 

Hy bidt v om t'leuen schoone,

 

T'welc ghy hem in eewicheyt geeft.

2

Ciragie, Lof, end' Eere,
Hy (O Godt) aen v hulpe heeft,
Want ghy verheft hem soo seere,
Dat elc eewich zijns seghens leeft:

Ghy verheucht hem met de vreuchden

(O Godt) van v aensicht minioot.
Want de Coninc hoept in deuchden
Op-den Heere, die hem maect groot:

End' door de groote Goetheden

Des hoochsten, sal hy blijuen vast,
Als v vyanden oyt streden,
Dan heefts' v rechte-hant verrast.

3

Ghy sult-se (Heere) noch maken,
Om hun valsch end' Godloos bestier,
Als eenen Ouen in t'blaken,
Die wt-bersten moet van het vier,

Als ghy in-sien sult de sake:

De Heer' salse verslinden bloot
In zijnen thoorne der wrake,
T'vier salse verteyren ter doot.

Hun vruchten sult ghy hinderen,

End' wat op-den aertbodem staet:
Oock t'saet van s'menschen kinderen,

[p. 60]

 

Sult ghy verdoen (Heer') metter daet.

4

Want quaet te doen sy ghedachten,
Oock veel aenslaghen maecten sy,
Welke sy met gheender machten
En costen wt-gheuoeren vry.

Want ghy sultse maken, Heere,

Tot schouderen: Ghy sult micken
Op hun aensicht t'elken keere
Verthoont v Heer', wilt v schicken,

In v cracht verheft v altijt:

Soo willen wy heel eendrachtich
Singhen, end' louen met iolijt
Vwe macht, O Godt warachtich.