Werken. Deel 2: Proza

[p. 1]

Epistole Haywigis⁽¹⁾.
In nomine Domini⁽²⁾.

[I]

⁺ God die de clare Minne die onbekint was, verclaerde bi⁺siere doghet, daer hi alle doghet bi verlichte in siere claerheit der Minnen, Hi moete⁽⁴⁾ u verlichten ende verclaren metter claerre claerheit daer hi hem selven claer met es, Ende al sinen vrienden ende sinen naesten gheminden. Die alre meeste claerheit die men hebben mach in erterike, dat es ghewarecheit in ieghewerdeghen werken van gherechtecheiden, Ende van allen wesenen waerheit te pleghene omme claerheit der edelre Minnen die god es. Ay hoe grote claerheit es dat, dat men gode ghewerden late met siere claerheit. Daer in werct Minne hem selven ende alle creaturen, Elken na sijn recht, dat hem sine goetheit gheorconden mach te ghevene met gherechtecheiden in claerheiden. Hier omme bidde ic u alse vrient sinen lieven vrient, Ende mane u alse suster haerre liever suster, Ende hete u alse moeder haren lieven kinde, Ende

(1) Deze titel komt alleen in C voor.

(2) In nomine domini] komt alleen in B voor.

+ 1a)

+ p^m cap^m(3)

(3) Alle drie de hss. hebben de indeeling in hoofdstukken, maar de numerotatie heeft alleen C.

(4) moete] B, C moet.

[p. 2]

ghebiede u van uwen gheminden alse brudegoem ghebiedet siere liever bruut, Dat ghi ontpluuct de oeghen uwer herten claerleke Ende besiet u in gode heilecleke. Leert te besiene wat God es, Hoe hi es waerheit alre dinghe⁺ieghenwerdechleke, Ende goetheit alre rijcheit vloyleke, Ende gheheelheit alre doghet gheheelleke, om de welke men singhet iij. Sanctus in den hemel, om dat die iij. namen in haren eneghen wesene alle doghede versamenen, van welken ambachte si sijn ute desen iij. wesenen. Siet hoe vaderleke u god ghehuedt hevet, Ende wat hi u ghegheven hevet, Ende wat hi u gheloeft hevet⁽¹⁾. Besiet hoe hoeghe Minne deen es vore dander ende dankes hem met Minnen. Wildi dit besien hoe god dit es, ende werken in hem in siere claerheit ghebrukeleke in glorilecheden, Ende toenleke in claerheiden alle dinc te verlichtene ende te demsterne na hare wesen. Om dies dat dit⁽²⁾ god es, daer omme salmenne sijns selves laten ghebruken in al sinen werken van siere claerheit, Sicut in celo et in terra; Altoes met woerden⁽³⁾ ende met werken te segghene, Fiat voluntas tua. Ay lieve kint, so sine gheweldeghe ghewout meer verclaert wert in u, soe sijn hoeghe⁽⁴⁾ wille bat in u ghesciet, ende soe sine clare waerheit naerre in u scijnt, So en⁺spaert dan niet, sueter rasten te darvene om die groete⁺gheheelheit gods. Verclaert uwe wesen ende ciert u met dogheden ende met gherechten werken. Widet uwe sinne met hogher begherten der gheheelheit gods, Ende ordeneert uwe Ziele ten groten ghebrukene der alghewel-

+ 1b)

(1) Ende wat hi u gheloeft hevet] is in A door een latere hand op den rang bijgevoegd; ontbreekt in B.

(2) dat dit] A dat, B dat dit, C dit.

(3) woerden] A en B waerden.

(4) hoeghe] C heileghe.

+ nota. id relinque

+ 1c)

[p. 3]

degher Minnen ons alte suets gods⁽¹⁾. Ay lieve kint, al segghic alte suete, dat es mi over oncont, sonder in den wensch van mire herten, dat mi doeghen suete hevet gheweest om sine Minne. Maer mi hevet hi wredere gheweest dan mi nye duvel en⁽²⁾ was. Want si en consten⁺mi nye benemen, hem te minnene noch niemanne dien hi mi beval te vorderne⁽³⁾. Maer hi hevet mi selven benomen. Dat hi es, dat vertert hi selve in siere sueter ghebrukenessen, Ende laet mi dus dolen buten dien ghebrukene, Ende laet mi emmer sere verladen met Minnen om ghebruken⁽⁴⁾, Ende laet mi demster van ghebrukene alre ioyen die mi te goede soude werden⁽⁵⁾. Ay aerme, dat selve dat hi mi boet ende ghegeven hadde te werdere van ghebrukene⁺van gherechter Minnen, dat hevet hi dus nu⁽⁶⁾ laten varen, alse ghi i. deel wel weet. Ay wet God, ic hieltene harde sere over here ende eyschede hem lettel vordere dan hi selve woude. Maer dat hi mi boet, dat hadde ic gherne ghenomen in ghebrukene, hadde hijs mi willen hulpen. Bi den iersten waest mi leet ghenoech ende liet mi vele bieden eer icker na vinc. Maer nu benic ghevoert alse i.⁺dien men iet te spele biedet, ende alse hi daer na veet, soe sleetmenne op de hant ende seghet: Godsat hebbe die waers waende, ende houdet dat op dat men hem boet.

(1) Ende ordeneert...gods] in C op den rand bijgevoegd.

(2) en] ontbreekt in C.

+ deus severus

(3) noch niemanne dien hi mi beval te vorderne] in A en B door een latere hand van onder bijgevoegd.

(4) om ghebruken] C onghebruken.

(5) soude werden] B werden soude, C souden werden.

+ 1d)

(6) dus nu] B nu dus.

+ semper po...(?)

(3) Alle drie de hss. hebben de indeeling in hoofdstukken, maar de numerotatie heeft alleen C.