Werken. Deel 1: Gedichten

[p. 209]

tekstkritische noten

3. minne met minnen. - 6. dienst. - 8. yoien bestier. - 9. en verveet. - 13. En spart. - 15. Glorioese vrocht. - 16. om hogen.

IX.

Die iet behoudet in innegen sinnen
Hine mach niet volwassen der minnen
Men moet al minnen met minne bestaen
Salder minnen genoech werden gedaen
Maer dat en mach men niet werken
Met alden dienste der heileger kerken
Maer die hem in minnen al op gevet
Ende aller ioyen biestier levet
Ende ane ghene affectie verveet
Ende altoos doelt na onghereet
Want hi minnen gherne genoech dade
Ende storm noch ongenade
Ende spaert vore minnen werdecheit
Dat seget de boec der wijsheit
Gloriese vroch sal hi bekinnen
Die vele doget omme hoegen van minnen

[p. 210]

 

God moete u geven in minnen spoet

 

Ende moete uwen hoghen moet

 

Verheffen in sine edelheit

20.

Ende moete u al de waerheit

 

Van sier naturen doen begeren

 

Ende in sine edele minne teren

 

Die u minne moete voeden

 

Ende te onser beider behoef behoeden

 

Ende hier toe name ic u gherne gereet

 

Dat ghi yet lettet dats mi leet

 

Swaer eest mi dat ghi yet mert

 

Dies ben ic dicke in u verert.

24. behueden.