Werken. Deel 1: Gedichten (1875)

Werken. Deel 1: Gedichten

(1875)– Hadewijch– rechtenstatus

Auteursrechtvrij

Vorige Volgende




[pagina 153]
Ga naar tekstkritische notentekstkritische noten
XL. Alse ons dit nuwe iaer ontsteet Soe hoept men dat saen comen sal Die tijt daer menech op verveet Die groeyen doet berch ende dal 5[regelnummer] Doch es die bliscap onghereet Soe es hem oec die ghevet sijn al Op hoger minne scone beheet Eer hi verlinget die verheit der minnen. Die sal die snelle wesen dan 10.[regelnummer] Die sal verlinghen verre minne Die fiere die neemt dies minnen hem an Ende levet bi rade ende werket bi zinne Ende toe set wat hi ye ghewan Soe dat verlichte redene kinne 15[regelnummer] Datti voer minnen niet sparen en can Hi sal verlinghen die verheit der minnen Dat ons de minne soe verre si Die ons met rechte soude sijn soe na
[pagina 154]
Dat scijnt meneghen ende mi 20.[regelnummer] Die up vremde troeste verva Die fiere van minnen leve also vri Dat hise met selken storme besta Al toter doet ochte nae daer bi Hochte hi verwint de cracht der minnen. 25[regelnummer] Die dus verwint der minnen cracht Hi mach sijn kimpe wel bekint Want men leest van der minnen macht Datsi alle andere dinc verwint Die vroede vergelden al der minnen pacht 30.[regelnummer] Ende sie dat hijs soe scoene beghint Altoes met stoerme van nuwer iacht Ochte hi verwint de cracht der minnen. Dien minnen verwint dat hise verwinne Hem wert hare suete nature noch cont 35[regelnummer] Alse hi gevoelt de soete minne Werd hi met haren wonden gewont Alse hi met wondere hare wondere kinnet Sughet hi met nide der aderen gront Altoos met dorste van nuwen beghinne 40.[regelnummer] Eer hi gebruket der zueter minnen. Soe werdet utermaten goet Begherte scept genuechte drinket Die fiere die dat sine in minnen verdoet Ende met woede in hare gebruken sinket
[pagina 155]
45[regelnummer] Soe hevet hi volder minnen spoet Daer minne met minnen hare minne al scinket Ende soe werdt die minne al minne voldoet Daer hi ghebruket der sueter minnen. Der minnen ghebruken dat es een spel 50.[regelnummer] Dat nieman wel ghetoenen en mach Ende al mocht dies pleget iet toenen wel Hine const verstaen dies noyt en plach Hoe minne wilt minne ende niet el Van al dat ie besceen die dach 55[regelnummer] Die loep die es troens en es niet so snel Soe der minnen loep es in der minnen. Die loep die es troens ende der planeten Ende der tekene die metten trone gaen Mach iet met ghelike weten 60.[regelnummer] Ende met mate van ghetale bevaen Maer gheen meester en mach hem dies vermeten Dat hi minne met sinne mach doen verstaen Alle die minne ye wissten ende selen weten Ende selen lopen den loep der minnen. 65[regelnummer] Si hebben der minnen wijdde vergheten Die minne met sinne wanen bestaen Ay deus wat heeft hen god geweten Die lopen moeten den loep der minnen.	[tekstkritische noot]4. groyen. - 7. minnen. - 9. Wie. - 16. die vriheit. [tekstkritische noot]21. al soe vri. - 23. nader bi. - 24. Ochte. - 26. kympe. - 30. bekint. - 33. minnen. - 35. de zuete. [tekstkritische noot]45. vol der. - 47. volvoet. - 50. niemen. - 52. noit. - 55. dies troens. - 57. des troens. - 63. wisten. - 65. wijde. - 66. sinen. - 68. Die loepen.

Vorige Volgende