Werken. Deel 1: Gedichten

(1875)– Hadewijch– rechtenstatus




[pagina 81]
Ga naar tekstkritische notentekstkritische noten
XXII. Mine noet es groet ende onbekint den lieden Si sijn mi wreet want si mi gherne scieden Daer mi de crachte van minnen al toe rieden Sine kinnes niet ende ic en caent hen bedieden 5[regelnummer] Dus moetic plegen dat ic ben Dat minne bracht hevet in minen zin Ic ben in dien dies wille ic mi ghenieden. Wat kere men mi dade dor de minne Daer willic duren sonder scade inne 10.[regelnummer] Want ic versta in edelheit miere sinne Dat ic in doege om hoeghe minne winne Daer omme willic mi gherne gheven In pinè in raste in sterven in leven Want ic dat gebod van hogher trouwen kinne.
[pagina 82]
15[regelnummer] Dat ghebod dat ic bekinne in minnen nature Dat bringet mine zinne in avonture Hen hevet vorme noch sake noch figure Doch eest in den smake alse creature Hets materie miere bliscape 20.[regelnummer] Daer ic in alre tijt na hake Dus leide ic mine daghe in meneghe suere. Van minne en clagic ghene pine Mi staet haer altoos onderdaen te sine Daer sijt ghebiedt lude en stilkine 25[regelnummer] Men canse niet bekinnen dan in scine Hets in wonder onverstaen Dat mijn herte dus hevet bevaen Ende doet dolen in ene welde wostine. Soe vrede wostinen wart noyt ghescepen 30.[regelnummer] So de minne in haer landscap can maken Want si doet met begherten na hare haken Ende sonder kinnen haer wesen smaken Si toent hare alse in een vlien Men volget hare ende si blivet onghesieri 35[regelnummer] Dit deet ellendeghen herten altoos waken. Spaerde ic eneghe cracht van minnen rade Dat kinnen alle de minnen dat ic misdade Ic mach nu meester sijn dies ic dan bade
[pagina 83]
Ende soe en verwonne ic mere so grote scade 40.[regelnummer] Nu nemic in naturen delijt Dat mi ghevet minne ende nuwe vlijt Dies ic niede nemmermeer en sade. Mi swaert dat ic mi niet en can vercrighen Int bekinnen ic en moet mi selven ontbliven 45[regelnummer] Al soude mi noch begherte therte tewriven Ende cracht van minnen noede mi soude ontbliven Ic en sal noch weten wat mi trecht Ende dicke soe onsaechte wect Alsic mi selven in rasten soude gheriven. 50.[regelnummer] Waer iemen die mi rechte ic soude hem claghen Over mi selven ic en caent niet wel verdraghen Dat mi de minne leidde ye soe hoghe staghen Ende icse nu ontmoete met soe meneghen wreeden slaghen In hebber toe gheluc no spoet 55[regelnummer] Inne weet ochte minne selve doet Ic duchte der ontrouwen wreede valsche laghen. Dat ic ontrouwe ontsie dat wonder cleine Si hevet mi ghepijnt meer dan ye sceen Want dat ic ben ghestoert van dat ic mene 60.[regelnummer] Dat doet ontrouwe ende andere sake en ghene Si hevet mi selke scade ghedaen Salic haer emmermeer ontgaen Dat sal met hogher trouwen sijn allene.
[pagina 84]
Wat hulpet mi dattic van minnen singhe 65[regelnummer] Ende mi selven mine quale linghe Met wat noede mi de minnen bevinghe Vore hare wout en hebbic gheen ghedinghe Ic lie al dies hi liden sal Dien der minnen cracht sijn herte stal 70.[regelnummer] Wat hulpet dat ic mine nature dwinghe. Want mine nature sal al bliven Dat si es et dat hare vercrighen Al maken de menschen hare wech so inghe.	[tekstkritische noot]4. kinnens......cant. - 7. willic. - 8. doer. - 11. doegen om hoge. - 13. pinen in rasten. [tekstkritische noot]21. mijn dage. - 24. stillekine. - 29. wostine wert noit. - 34. volget ende. - 37. alle die. [tekstkritische noot]47. trect. - 54. (toe). - 57. dats wonder cleene. [tekstkritische noot]68. Ic lye. - 69. Die. - 72. es ende dat. - 73. haren wech soe hinge.

Vorige Volgende

XXII.